Alter-Native

მოგესალმებით! ვეცდები თქვენი გზამკვლევი ვიყო იმ უზარმაზარი სამედიცინო-სამკურნალო ინფორმაციის ქარიშხალში, რაც დღეს ჩვენს ირგვლივ ბობოქრობს. სურვილი მაქვს ადამიანები უფრო ორიენტირებულნი იყვნენ დღევანდელ გარემოში. ვცდილობ საკუთარი ნააზრევი გადმოგცეთ, ამიტომ გარკვეული მასალა უნიკალურია და პირად გამოცდილებაზეა დამყარებული. თქვენი კომენტარები კი დამეხმარება გავერკვე, რომელი თემაა თქვენთვის უფრო აქტუალური და საინტერესო.

7.10.2022

რა სხვაობაა მადასა და შიმშილს შორის?

ანსხვავებთ მადას და შიმშილს ერთმანეთისგან?😕

თუ ამაზე არ გიფიქრიათ ან ვერ ახერხებთ, მაშინ გახდომის გზაზე წარმატებული სიარული გაგიჭირდებათ, რადგან ეს ერთ-ერთი გადამწყვეტი ფაქტორია.

მოდით გავერკვეთ:

შიმშილი - ეს ყველასთვის კარგად ნაცნობი ცარიელი კუჭის კუნთების შეკუმშვით გამოწვეული სპეციფიკური შეგრძნებაა.

მადა - კი საკვების დანახვისას აღძრული ჭამის სურვილი.

ბუნებრივია - ერთი ასახავს ორგანიზმის რეალურ საჭიროებას და მისი დაკმაყოფილება აუცილებელია, ხოლო მეორე - მხოლოდ მომნელებელ სისტემაში გარკვეული წვენების გამოყოფას რაიმე "მადის მომგვრელის" მხედველობის ველში მოხვედრისას..👀

ამიტომ კაფეების, საცხობების, საკონდიტროების დანახვაზე ზუსტად ეს გრძნობა ჩნდება, ამიტომაც ასეთ დაწესებულებებს გულგრილად იშვიათად თუ აუვლი გვერდს, თანაც აქ ვიზუალურ გამღიზიანებელს - ლამაზად გაფორმებულ ნამცხვრებს, ტორტებს, კიდევ ყნოსვითი გამღიზიანებელიც ემატება - ვანილის და სხვა საკონდიტრო სანელებლების საოცარი სურნელი!😜

საკმაოდ კარგი ნებისყოფაა საჭირო ამის დასაძლევად, არა?

სახლშიც იგივე ხდება - ახალგამომცხვარი ხაჭაპური ან ლანგარზე ლამაზად დაწყობილი ხილიც ხომ მიმზიდველია?

ამგვარად, ადამიანი დაუფიქრებლად ჭამს არა მაშინ, როდესაც მას ეს ნამდვილად სჭირდება, არამედ მაშინ, როდესაც მასზე შესაბამისი გამღიზიანებლები მოქმედებენ.

რადგან ადამიანს წინასწარ არ აქვს განსაზღვრული საკუთარი დამოკიდებულება შიმშილსა და მადაზე - რა და როდის უნდა მიირთვას - იგი იოლად და ხშირად ხდება ასეთი გამღიზინებლების "მსხვერპლი".

შედეგები კი მხოლოდ კილოგრამებში არ აისახება, რადგან სიმსუქნე და ჭარბი წონა მხოლოდ ვიზუალური პრობლემა არ არის ადამიანისთვის, არამედ ორგანიზმში მიმდინარე მრავალი პათოლოგიის მიზეზი, რომლებზედაც უკვე საკმაოდ დიდი ხანია აქტიურად საუბრობენ ექიმები.

ამიტომ, თუ შეძლებთ და გამიჯნავთ ერთმანეთისგან შიმშილს და მადას - ეს უკვე დიდი წინგადადგმული ნაბიჯი იქნება გახდომის (გაჯანსაღების) გზაზე.

ხოლო, თუ გსურთ ამ გზაზე სწორი მიმართულებით სიარული, ამაში ჩემი "გახდომის ერთთვიანი კურსი" აუცილებლად დაგეხმარებათ!

იჩქარეთ! კომენტარებში ჩაწერეთ სიტყვა "კურსი" და გახდით მისი მონაწილეები, პირველ ხუთ მათგანს კი სასიამოვნო პრიზი - ამ კურსის უფასოდ მიიღება ელოდება! მადაზე, შიმშილზე და კვებაზე კიდევ ბევრს ვისაუბრებთ!

ავტორის გვერდები: Alter-Native

Siberian Wellness

ასევე დაგაინტერესებთ:

შეიყვარე თავი შენი

ოხ ეს დიეტები

მწვანე წვენების 10 არაჩვეულებრივი რეცეპტი 1

მწვანე წვენების 10 არაჩვეულებრივი რეცეპტი 2

ნაჯერი ცხიმები კარგია თქვენი გულისთვის

ხალხური რეცეპტები და ა.შ.

6.25.2022

შეიყვარე თავი შენი

ალბათ იცით, რომ დედამიწაზე ჯანმრთელი ადამიანის მოძიება ძალიან ძნელია - აბსოლუტურ ჯანმრთელობას ვგულისხმობ. არ ვიტყვი, რომ ისინი არ არსებობენ, არსებობენ, მაგრამ მათი როადენობა მცირეა იმ 7 მილიარდთან შედარებით, რომელიც დედამიწაზე ბინადრობს.

თუ გაინტერესებთ მიეკუთვნებით თუ არა ამ კატეგორიას ჩაეწერეთ უფასო კონსულტაციაზე - პოსტის კომენტარებში ჩაწერეთ სიტყვა "კანსულატცია".👇

უმეტესობიდან კი ბევრი პერიოდულად ჭარბ წინას ებრძვის. ფიქრობთ იმისთვის, რომ ჯანმთელი იყოს?

სამწუხაროდ, ადამიანების უმეტესობას მხოლოდ გარეგნული სილამაზე ადარდებს, განსაკუთრებით საზაფხულო პერიოდის მოახლოებასთან ერთად, როდესაც საჭიროა, რომ საცურაო კოსტუმში კარგად გამოიყურებოდნენ, საკუთარი პერსონისადმი საზოგადოებრივი აზრის დადებითი განწყობისთვის. წონის ხარვეზებთან საბრძოლველად კი ხშირად დიეტას მიმართავენ, რომელიც ხშირად უშედეგოა, რადგან სხვა შემთხვევაში სიმსუქნე საყოველთაო პრობლემა არ იქნებოდა. ხომ მეთანხმებით?

რატომ ხდება ასე?

შეგახსენებთ, რომ ორგანიზმი რთული მრავალდონიანი თვითგანახლებადი და თვითრეგულირებადი ღია სისტემაა, რომლის მართვა ხანმოკლე და მკვეთრი ზემოქმედებებით არავითარ შედეგებს არ იძლევა.

ამიტომაა, რომ დიეტების უმეტესობას არ აქვს ხანგრძლივი ეფექტი. საჭიროა არა დიეტის დაცვა, არამედ ცხოვრების წესის - ორგანიზმთან ურთიერთობის შეცვლა.

ეს მდგომარეობა კარგად დაზიანებულ საცხოვრებელ სახლს მაგონებს, სადაც შიგნით მაცხოვრებელი მხოლოდ კოსმეტიკურ რემონტს აკეთებს და იმედი აქვს, რომ ყველაფერი კარგადაა და მომავალში პრობლემები არ შეიქმნება. მაგრამ ეს ასეა?

ორგანიზმი მართლა სულელი გგონიათ? მას ხომ ევოლუციური გამოცდილება აქვს, მრავალი თაობის გამოცდილება. გსურთ მასთან კატა-თაგვობანას თამაში? დამიჯერეთ, ეს წამგებიანი პოზიციაა. 🙎

ჩვენ გვსურს, რომ მან შეასრულოს ჩვენს მიერ მისთვის შეთავაზებული ამოცანები - განახორციელოს ჟანგბადის და ნახშირორჟანგის იდეალური მიმოცვლა გაჭვარტლული ფილტვების პირობებში! ან - გადაამუშაოს უამრავი შაქარი, თანაც ისე, რომ წონაში არ მოიმატოთ! ან - შეინარჩუნოს წნევა ისე, რომ ამისთვის არავითარი პირობა არ შეუქმნათ! - მოკლედ ამოხსნას სასიცოცხლო ამოცანები ისე, რომ არც ერთი პირობა არ ჰქონდეს საამისოდ!

თქვენი აზრით ეს შესაძლებელია?

თუ გავითვალისწინებთ იმ ფაქტს, რომ ამას რომელიმე მტერი კი არა, თავად ჩვენ ვუწყობთ ჩვენს ორგანიზმს, თანაც თითქმის ყოველდღიურად - რა გამოდის?

რას იზამდით, თუკი გაიგებდით, რომ ვინმე რეგულარულად და სასიკვდილოდ გწამლავთ? რა გრძნობები გაგიჩნდებათ ამ პიროვნების მიმართ? ასოციაციის შექმნა სირთულეს არ წარმოადგენს, ხომ? ის ხომ მტერია, მკვლელია - მოკლედ ეპითეტებს და განრისხებას არ დაიშურებდით.

მაგრამ თუ თავად თქვენ ხართ ის, ვინც ამას აკეთებს? მაშინ შეიცვლება რამე? დასაფიქრებელია… და სამოქმედო, თანაც სასწრაფოდ.

მინდა შეგარიგოთ თქვენ და თქვენი ორგანიზმი, მინდა გაგაგებინოთ, რომ უჯრედების იმ სიმრავლეს, რომელიც თქვენშია აქვს უფლება, რომ ვინმე მათ გაუფრთხილდეს, გაითვალისწინოს მისი საჭიროება, მისი მოთხოვნები - მას თქვენს მეტი არავინ ყავს. დაფიქრდით ამაზე.

მოქმედება კი ცხოვრების წესის მკვეთრი შეცვლაა, რადგან აღარ გამოგივათ ექიმებზე და გარემოებებზე ან გენეტიკაზე ჩივილი. უკვე ცნობილია, რომ გენეტიკას მხოლოდ 25%-ის შეცვლა შეუძლია, დანარჩენს თავად ადამიანი ქმნის. ადამიანი ქმნის დაავადებების იმ ფართო სპექტრს, რომელზედაც თავადვე ასე გულმხურვალედ წუხს.

სამაგიეროდ ორგანიზმი მყისვე გიპასუხებთ პატრონობაზე, სიყვარულზე, გაფრთხილებასა და ზრუნვაზე - არ გექნებათ არც წონის, არც წნევის, არც სხვა რაიმე პრობლემა, რომელზედაც შესაძლოა დღეს ასე ნერვიულობთ, განიცდით და უამრავ მედიკამენტს და სახსრებს ახარჯავთ.

არ არსებობს თქვენთვის ასეთი თავგამოდებული სხვა, რომელიც ასეთ რთულ ამოცანებს აგვარებს თქვენთვის, თქვენს გადასარჩენად და სასიცოცხლოდ! ეს მხოლოდ თქვენი ორგანიზმია!

შეიყვარე თავი შენი - აი რას გვეუბნება უფალი, აი რა უნდა გავაკეთოთ უპირველესად.💓

ამის შემდეგ კი…ისურვე რაც გინდა…

უფასო კონსულტაციის მისაღებად ჩაწერეთ პოსტის კომენტარებში სიტყვა "კონსულტაცია", ხოლო პირველი 5 ადამიანი, რომელიც მომწერს, გახდება "ერთთვიანი გახდომის კურსის" მფლობელი.