მწვანე წვენების 10 არაჩვეულებრივი რეცეპტი. 2

ანანასის და ოხრახუშის წვენი 


 გქონიათ მომენტები, როდესაც იმდენს მიირთმევთ, რომ თავს სიტყვას აძლევთ მეტი აღარასოდეს ჭამოთ? დიახ, ამისთვისაც არის წვენი.
არის საშუალება თავი უკეთ იგრძნოთ მონელებისთვის სასარგებლო ინგრედიენტების გამოყენებით. სადა, მწვანე რუკოლა წიწაკისებრ მწვავე დარტყმას ახორციელებს ორგანიზმზე, ხოლო ანანასი ცნობილია თავისი მეტეორიზმის საწინააღმდეგო ეფექტით. ახალი ოხრახუში და კიტრი კი დაეხმარება ორგანიზმს სითხეების  გამოყვანით.



პორცია: 1
1 ცალი საშუალო კიტრი
1 ჭიქა დაჭრილი ახალი ანანასი
1 ჭიქა რუკოლა
1 ცალი საშუალო გრეიფრუტი
2 გაფრცქვნილი ლიმონი
კოჭას პატარა  ნაჭერი
1/3 ჭიქა ახალი ოხრახუში
1 მწვანე ვაშლი
 
ყველაფერი გაატარეთ წვენსაწურში. მოურიეთ და დაუყოვნებლივ მიირთვით.

საკვები ნივთერებები (პორციულად):   222 კალორია, 6 გ ცილა, 69 გრ ნახშირწყლები, 1,5 გ ბოჭკო, 44 გრ შაქარი, 1 გრ ცხიმი, 0 გრ ნაჯერი ცხიმები, 28 გრ ნატრიუმი.



კოჭას და მწვანე სალათის წვენი

ეს წვენი შეიცავს მწვანე ფერის ოთხ ნაირსახეობას, მაგრამ მთავარი ბაბუაწვერაა. ბაბუაწვერა ერთ-ერთი ყველაზე რეკომენდირებული ბალახია, რომელიც ეხმარება ღვიძლს დეტოქსიკაციაში და ინულინის ხსნადი ბოჭკოების დიდ მარაგს შეიცავს, რომელსაც სისხლში შაქარზე დადებითი ზემოქმედება აქვს. ამ სასიამოვნო ყვავილის ფოთლები -  ბეტა კაროტინის და A ვიტამინის მდიდარი წყაროა, დაიწყეთ მისი წვენების მიღება. ასევე შეგიძლიათ მისი ფესვებით ღვიძლისთვის გამწმენდი ჩაი მოიმზადოთ.

პორცია: 1

1 თავი მწვანე სალათი 
2 მსხვილი ნიახურის ღერო 
1 შეკვრა ჭარხლის ფოთლები
2 ტკბილი ჯიშის ვაშლი
1/2 გაფრცქვნილი ლიმონი
კოჭას პატარა  ნაჭერი
1 ჭიქა ბაბუაწვერას ფოთლები
 
ყველაფერი გაატარეთ წვენსაწურში. მოურიეთ და დაუყოვნებლივ მიირთვით.



საკვები ნივთერებები (პორციულად):   183 კალორია, 8 გ ცილა, 59 გრ ნახშირწყლები, 3 გ ბოჭკო, 32 გრ შაქარი,  2 გრ ცხიმი, 0 გრ ნაჯერი ცხიმები, 167 გრ ნატრიუმი.




ჭარხლის ფოთლების და კოჭას წვენი


როდესმე ჩაგიტარებიათ დეტოქსიკაცია? გასინჯეთ ჭარხლის ფოთლები, რომლებიც სავსეა B-ჯგუფის ვიტამინებით და მინერალებით, რაც თქვენ თმებს და თვალებს გააჯანსაღებს. კოჭა ბიძგს მისცემს მომნელებელ სისტემას, ხოლო ანანასი არის ბუნებრივი ანტიჰისტამინების - ბიოფლავონოიდ ქვერცეტინის მდიდარი წყარო.
დაამატეთ ოხრახუში ქმედებების გასაძლიერებლად, თუ ოდესმე დაგიღეჭავთ მისი ღერო, მაშინ გეცოდინებათ, რონ იგი სუნთქვის საუკეთესო გამაგრილებელია, მაგრამ იგი ასევე აცოცხლებს მთელ ორგანიზმს: ოხრახუში ცნობილია, როგორც დეტოქსიკანტი და დეოდორანტი.  

პორცია: 1

1 მწვანე ვაშლი
4 მწვანე სალათის ფოთოლი
კოჭას პატარე ნაჭერი
1 გაფრცქვნილი ლიმონი
1 შეკვრა ჭარხლის ფოთოლი
1 ჭიქა ახალი ოხრახუში
1 საშუალო სტაფილო
ყველაფერი გაატარეთ წვენსაწურში. მოურიეთ და დაუყოვნებლივ მიირთვით.


საკვები ნივთერებები (პორციულად):   125 კალორია, 6 გ ცილა, 38 გრ ნახშირწყლები, 1,5 გ ბოჭკო, 19 გრ შაქარი,  1,5 გრ ცხიმი, 0 გრ ნაჯერი ცხიმები, 152 გრ ნატრიუმი.



ჭარხლის ფოთლების ლიმონათი

ეს არ არის ჩვეულებრივი ლიმონათი. ის გადავსებულია C ვიტამინით და რაფინირებული შაქარის ნატამალიც  არ გააჩნია: უბრალოდ მწიფე მსხალი, მწვანე ვაშლი და ცოტაოდენი თაფლი.

პორცია: 1
1 შეკვრა ჭარხლის ფოთლები
1 საშუალო მსხალი
2 ცალი გაფრცქვნილი ლიმონი
2 მწვანე ვაშლი
1 სუფრის კოვზი ახალი თაფლი

ყველაფერი გაატარეთ წვენსაწურში. მოურიეთ და დაუყოვნებლივ მიირთვით.

საკვები ნივთერებები (პორციულად):   269 კალორია, 5 გ ცილა, 86 გრ ნახშირწყლები, 2 გ ბოჭკო, 57 გრ შაქარი,  1 გრ ცხიმი, 0 გრ ნაჯერი ცხიმები, 118 გრ ნატრიუმი.


კრეს-სალათის, ჭარხლის და პიტნის წვენი

შებერილობას გრძნობთ? დალიეთ ეს ბორდოსფერი-მომწვანო წვენი. ბეტაინი, რომელიც ჭარხალს აძლევს ფერს, ისეთი ძლიერმომქმედია, რომ წნევის დაწევა შეუძლია. ხოლო ახალი პიტნა ჰაერის ბუშტების გაჩენას თრგუნავს. 
მაგრამ შებერილობის მოხსნის საიდუმლო იარაღი იაპონური ბოლოკია, რომელიც გავს გიგანტურ თეთრ სტაფილოს და ცემპიონივით ებრძვის თავისუფალ რადიკალებს. ეს შარდმდენი საშუალებაა, რომელიც თირკმელებს სითხისგან გათავისუფლებაში ეხმარება, თანაც საკმაოდ სწრაფად.

პორცია:1
2 ცალი სტაფილო
1 საშუალო ჭარხალი, გარეცხილი და გაფრქცვნილი
1 შეკვრა კრეს-სალათის ფოთლები
1/2 საშუალო იაპონური ბოლოკი
1/3 ჭიქა ახალი პიტნა
 
ყველაფერი გაატარეთ წვენსაწურში. მოურიეთ და დაუყოვნებლივ მიირთვით.



საკვები ნივთერებები (პორციულად):   118 კალორია, 8 გ ცილა, 34 გრ ნახშირწყლები, 1,5 გ ბოჭკო, 19 გრ შაქარი,  0,5 გრ ცხიმი, 0 გრ ნაჯერი ცხიმები, 228 გრ ნატრიუმი.

გამოყენებული მასალა:
 http://www.prevention.com/food/healthy-eating-tips/green-juice-recipes?s=1?cm_mmc=Facebook-_-Prevention-_-food-healthyeatingtips-_-greenjuicerecipes

მინდა დავამატო კიდევ ორი სიტყვა იმაზე, რომ ძალიან ბევრ პროდუქტს და მცენარეს ჩვენ არ ვიცნობთ, როგორც საკვებ ნივთიერებას. მართალია ჩვენს მაღაზიებში მომრავლდა  სხვადასხვა უცხო პროდუქტი, მაგრამ ინფორმაციის სიმცირის გამო ვერ ვიყენებთ მათ სათანადოდ, თანაც ეს მცენარე ან პროდუქტი შესაძლოა არც იყოს უცხოური, მაგალითად ბაბუაწვერას ფოთლები, კრეს-სალათი და სხვა. ვეცდები ამ კუთხითაც მოგცეთ ინფორმაცია ასეთი პროდუქციის სარგებელისა და მოხმარების შესახებ, რომ მეტი სასარგებლო პროდუქტი მოხვდეს თქვენს რაციონში და დადგეს თქვენი ჯანმრთელობის სადარაჯოზე.  

იყავი გონიერი პაციენტი! გისურვებთ ჯანმრთელობას!

ასევე ნახეთ:
5 საინტერესო ფაქტი თქვენში მცხოვრებ ბაქტერიებზე
მწვანე წვენების 10 არაჩვეულებრივი რეცეპტი. 1
ჰოლისტური მედიცინა
ფტორი, წყალი და კბილის პასტა 
სასიამოვნო და სასარგებლო ერთად. ლაშქრობის სამედიცინო ასპექტები.

ბედნიერი ქალის 5 ყოველდღიური რჩევა

არტერიული ჰიპერტენზია
ხალხური რეცეპტები
ეშველება რამე ხვრინვას?

ბრონქიალური ასთმა - კომპლექსური მიდგომა
კაცუძო ნიშის ჯანმრთელობის ექვსი ოქროს წესი
წყლის მინერალიზაცია
უშვილობის პრობლემა - მკურნალობის სისწორის ასახვაა
წყლის სიხისტე და ჯანმრთელობა
რომელი მარილი უნდა მივიღოთ?
მე, გარემო და ჯანმრთელობა
ჯანსაღი კვება - სტერეოტიპების რღვევაა!
ოტიტი ანტიბიოტიკებს არ საჭიროებს!
დააკვირდით სითხეების და პროდუქტების თვისებებს
აუტიზმის აღმოცენების ვერსიები
ვაქცინების სახეობები
ვაქცინების შოკისმომგვრელი შიგთავსი
სითხეების თვისებები ჩვენი ჯანმრთელობისთვის
არ მიიღოთ! 3. პროზაკი
არ მიიღოთ! 2
არ მიიღოთ!
აცრები
როგორი პაციენტი ხართ?
გსურთ დაამარცხოთ ალერგია?
დღევანდელობის პარადოქსი
რა არის ალტერნატივა მკურნალობაში?
რა იცით ნეგლერიაზზე?
გოგრა - ჯანსაღი კვების კარგი მაგალითი
და კიდევ მეტი იხილეთ ბლოგის არქივში

მწვანე წვენების 10 არაჩვეულებრივი რეცეპტი. 1.

უკვე რამოდენიმე სტატია მივუძღვენი საკვების თემას და, ვფიქრობ, არც ეს იქნება ბოლო. თემა ძალიან მნიშვნელოვანია, რადგანაც დიდ წილად საკვებზე არის დამოკიდებული ჩვენი ჯანმრთელობა. ჩვენ ჩვევაში ღრმად არის შესული გარკვეული   კვებითი პროირიტეტები, რომელსაც  ვერ გავექცევით. ჩემ სტატიებში - ჯანსაღი კვება - სტერეოტიპების რღვევაა და დაბალანსებული კვების აუცილებლობა, ზუსტად ამაზე ვისაუბრე, თუმცა საუბარი მხოლოდ პრობლემის ჩარჩოებს მიგვანიშნებს, ხოლო რეალური ცვლილებები კი ქმედებებმა უნდა გამოიწვიონ. ბევრისთვის ძნელია ერთი ხელის მოსმით დიამეტრალურად შეიცვალოს თავისი სტერეოტიპული დამოკიდებიბულება საკვების მიმართ და ეს გასაგებია. მაგრამ, ცვლილებების გარეშე ჯანმრთელობის გაუმჯობესება ვერ მოხდება, რადგანაც ჩვენი ორგანიზმი იმისგან შენდება, რასაც ვჭამთ, ხოლო რასაც ვჭამთ ის ძირითადად გვვნებს ან, უკეთეს შემთხვევაში,  ვერაფერში გამოგვადგება.

ვფიქრობ, პირველ ნაბიჯად შესაძლებელია თქვენთვის  მწვანე წვენების გამოყენება იქცეს. მართალია, შესაძლებელია სხვადასხვა ახლადგამოწურული წვენების მომზადება, მაგრამ მწვანე წვენები განსაკუთრებულია, რადგან მათ ორგანიზმის გაწმენდის და კვების ძალიან დიდი ძალა გააჩნიათ. მიიღეთ მწვანე წვენები კვირაში ერთხელ ან ორჯერ - ეს საგრძნობ შედეგებს მოგცემთ თუნდაც ჩვეული კვების პირობებში, რომელსაც ვერაფერს უხერხებთ.
ქვემოთ გთავაზობთ გვერდი Prevention-ის მიერ მოწოდებულ მასალას მწვანე წვენების და მათი სარგებელის შესახებ. რეცეპტების სიმრავლის გამო სტატიას ორ ნაწილად გავყოფ.

მწვანე წვენები არის ნამდვილი ოქრო, როგორც ენერგიის, საკვები ნივთიერებების და აღდგენის წყარო. ისეთი სასარგებლო და ღრმა მოქმედება აქვთ, რომ შესაძლოა მწვანე წვენებმა გაგიტაცონ კიდეც. ვერც დამალავთ - თქვენი მოელვარე კანი შეუმჩნეველი ვერ დარჩება. 
თუკი თქვენ ორჭოფობთ მწვანე კოქტეილების გამო, თქვენ მარტონი არ ხართ: Jumba Juice-ის მიერ გაკეთებულმა გამოკითხვამ აჩვენა, რომ  ადამიანების 28% თვლის, რომ მწვანე წვენები შემაშინებლად გამოიყურება. მაგრამ  საშიში არაფერია! ეს გამოცდილი მწვანე რეცეპტები იმდენად არაჩვეულებრივი მოქმედებისაა, რომ ისინი სულ  უფრო მეტად მოგინდებათ!

 ქინძის და ვაშლის მწვანე წვენი

ეს მწვანე მონსტრი აღჭურვილია კალცით, რკინით და K ვიტამინით (კომბოსტოს წყალობით). ციტრუსები ამატებენ ასევე C ვიტამინს. არ დაგავიწყდეთ ქინძი, რომლის ფოთლებს ბაქტერიების საწინააღმდეგო და ანთებისსაწინააღმდეგო თვისებები აქვთ.
პორცია: 1
2 მწვანე ვაშლი
2 ცალი მსხვილი ნიახურის ღერო
2 კომბოსტოს ფოთოლი
1 ცალი საშუალო კიტრი
1/4 ჭიქა ახალი ქინძი
1/2 გაფრცქვნილი ლიმონი
ყველაფერი გაატარეთ წვენსაწურში. მოურიეთ და დაუყოვნებლივ მიირთვით.

საკვები ნივთერებები (პორციულად):   175 კალორია, 5 გ ცილა, 51 გრ ნახშირწყლები, 1 გ ბოჭკო, 32 გრ შაქარი, 1,5 გრ ცხიმი, 0 გრ ნაჯერი ცხიმები, 82 გრ ნატრიუმი.


კიტრისა და რეჰანის წვენი

აი ნაკლებ ცნობილი ფაქტი: რეჰანის მკვეთრად მწვანე ფერის ფოთლებს რბილი დამამშვიდებელი მოქმედება აქვთ. რეჰანი დიდი ხანია გამოიყენება მომნელებელი სისტემის სამკურნალოდ, ხოლო ფოთლები ანთებისსაწინააღმდეგო ზეთებს შეიცავენ, რომლებიც  ხსნიან ტკივილს ართრიტების და გაღიზიანებული ნაწლავის სინდრომის დროს.

დაამატეთ  იგი კიტრის ჰიდრატაციის ძალას - 95% წყალი - და თქვენ მიხვდებით, რომ იბუპროფენი აღარ გჭირდებათ. 

 პორცია: 1
1 ჭიქა რეჰანის ფოთლები
1 ცალი კიტრი
1 ლაიმი, გაფრცქვილი
1 მწვანე ვაშლი

ყველაფერი გაატარეთ წვენსაწურში. მოურიეთ და დაუყოვნებლივ მიირთვით.

საკვები ნივთერებები (პორციულად):   93 კალორია, 2 გ ცილა,30 გრ ნახშირწყლები, 0,5 გ ბოჭკო, 17 გრ შაქარი, 0,5 გრ ცხიმი, 0 გრ ნაჯერი ცხიმები, 7 გრ ნატრიუმი.

 კიტრისა და ოხრახუშის წვენი

ეს მწვანე წვენი არის წმენდის ელექტროსადგური. მეგობრული მსხლის ბოჭკოები კარგად მიდის ისპანახთან, რომელიც ამაგრებს ძვლებს და იცავს ტვინს ასაკთან დაკავშირებული გონებრივი სისუსტისგან. გაინტერესებთ სწრაფი სარგებელი? გადაყლაპეთ რომელიმე მათგანი როგორც დილის სუნთქვის ანტიდოტი, მადლობა ოხრახუშს და დამამშვიდებელ პიტნას. და თუ თავს ცოტა შეშუპებულად გრძნობთ, დაამატეთ კიტრი. კიტრი ელექტროლიტებით ამარაგებს უჯრედებს  და ამცირებს წყლის შეკავებას.

 პორცია: 1
1 კიტრი
1 საშუალო მსხალი
1/4 ჭიქა ახალი პიტნა
1ჭიქა ახალი ოხრახუში
1 ცალი გაფრცქვნილი ლიმონი
2 ჭიქა ქორფა ისპანახი

ყველაფერი გაატარეთ წვენსაწურში. მოურიეთ და დაუყოვნებლივ მიირთვით.

საკვები ნივთერებები (პორციულად):   125 კალორია, 6 გ ცილა, 39 გრ ნახშირწყლები, 1,5 გ ბოჭკო, 18 გრ შაქარი, 1,5 გრ ცხიმი, 0 გრ ნაჯერი ცხიმები, 100 გრ ნატრიუმი.

ცერეცოსა და ვაშლის წვენი

ახალი ცერეცოს თავთავები მდიდარია ანთების დასამარცხებელი ანტიოქსიდანტებით. ის ასევე ბოჭკოს და ფოლატების კარგი წყაროა, კალიუმის მაღალი დოზა მას შარდმდენ თვისებებს სძენს, რაც სითხის გამოდევნას უწყობს ხელს. ცერეცოს დამამშვიდებელი და - კამა, კი ეხმარება მონელებას.

 პორცია: 1

2 ცერეცოს საშუალო თავთავი
1 ჭიქა ქორფა ისპანახი
1/4 ჭიქა ახალი კამა
2 ცალი მწვანე ვაშლი
1 ცალი კიტრი
1/2 ცალი გაფრცქვნილი ლიმონი


ყველაფერი გაატარეთ წვენსაწურში. მოურიეთ და დაუყოვნებლივ მიირთვით.

საკვები ნივთერებები (პორციულად):   210 კალორია, 7 გ ცილა, 68 გრ ნახშირწყლები, 2,5 გ ბოჭკო, 30 გრ შაქარი, 1,5 გრ ცხიმი, 0 გრ ნაჯერი ცხიმები, 195 გრ ნატრიუმი.

ფორთოხლისა და ისპანახის წვენი 



ფორთოხალი კარგად ესადაგება მწვანილს. იგი არა მხოლოდ ტკბილი და გემრიელი სფეროებია. ფორთოხალი ერთ-ერთია იმ ხილთა შორის, რომელთაც დაბალი გლიკემიური ინდექსი გააჩნიათ, ასე რომ ფორთოხალი არ ზრდის შაქარს სისხლში. თუ მას ეძებთ, ეცადეთ გამოიყენოთ წითელი ფორთოხალი, რადგანაც მის წვენში ანტოციანების მაღალი დოზებია, ისინი კი კიბოს პროფილაქტიკას ახორციელებენ.


პორცია: 1

3/2 ჭიქა ქორფა ისპანახი

1 ცალი მწვანე ვაშლი
1 ცალი გაფრცქვნილი ლაიმი
2 ცალი გაფრცქვნილი ლიმონი
2 ცალი  საშუალო გაფრცქვნილი ფორთოხალი
1 მსხვილი ნიახურის ღერო
ახალი კოჭას პატარა ნაჭერი 

ყველაფერი გაატარეთ წვენსაწურში. მოურიეთ და დაუყოვნებლივ მიირთვით.

საკვები ნივთერებები (პორციულად):   162 კალორია, 4 გ ცილა, 54 გრ ნახშირწყლები, 1,5 გ ბოჭკოები, 33 გრ შაქარი, 0,5 გრ ცხიმი, 0 გრ ნაჯერი ცხიმები, 39 გრ ნატრიუმი.

გამოყენებული მასალა:

 http://www.prevention.com/food/healthy-eating-tips/green-juice-recipes?s=1?cm_mmc=Facebook-_-Prevention-_-food-healthyeatingtips-_-greenjuicerecipes

იყავი გონიერი პაციენტი! გისურვებთ ჯანმრთელობას!

ასევე ნახეთ:
5 საინტერესო ფაქტი თქვენში მცხოვრებ ბაქტერიებზე
ჰოლისტური მედიცინა
ფტორი, წყალი და კბილის პასტა 
სასიამოვნო და სასარგებლო ერთად. ლაშქრობის სამედიცინო ასპექტები.

ბედნიერი ქალის 5 ყოველდღიური რჩევა

არტერიული ჰიპერტენზია
ხალხური რეცეპტები
ეშველება რამე ხვრინვას?

ბრონქიალური ასთმა - კომპლექსური მიდგომა
კაცუძო ნიშის ჯანმრთელობის ექვსი ოქროს წესი
წყლის მინერალიზაცია
უშვილობის პრობლემა - მკურნალობის სისწორის ასახვაა
წყლის სიხისტე და ჯანმრთელობა
რომელი მარილი უნდა მივიღოთ?
მე, გარემო და ჯანმრთელობა
ჯანსაღი კვება - სტერეოტიპების რღვევაა!
ოტიტი ანტიბიოტიკებს არ საჭიროებს!
დააკვირდით სითხეების და პროდუქტების თვისებებს
აუტიზმის აღმოცენების ვერსიები
ვაქცინების სახეობები
ვაქცინების შოკისმომგვრელი შიგთავსი
სითხეების თვისებები ჩვენი ჯანმრთელობისთვის
არ მიიღოთ! 3. პროზაკი
არ მიიღოთ! 2
არ მიიღოთ!
აცრები
როგორი პაციენტი ხართ?
გსურთ დაამარცხოთ ალერგია?
დღევანდელობის პარადოქსი
რა არის ალტერნატივა მკურნალობაში?
რა იცით ნეგლერიაზზე?
გოგრა - ჯანსაღი კვების კარგი მაგალითი
და კიდევ მეტი იხილეთ ბლოგის არქივში

სასარგებლო და სასიამოვნო ერთად. ლაშქრობის სამედიცინო ასპექტები.

დადებითი ემოციები, ბუნებასთან შერწყმა, საუბრები კოცონთან, გვერდით მეგობრის მხარის შეგრძნება და უსაზღვრო სიყვარული შენს წინაშე გადაშლილი სამშობლოს მშვენიერების მიმართ! ეს ის მომენტებია, როდესაც მართლაც გრძნობ კავშირს შენს ფესვებთან, შენს ისტორიასთან, შენს ხალხთან, ემოციები გავსებს და გათბობს, გიმძაფრდება სიცოცხლის სურვილი.... ასეთი ემოციები მოაქვს ლაშქრობას.

განა შესაძლებელია ამგვარი განცდები დადებითად არ აისახებოდეს ადამიანის ჯანმრთელობაზე? კონკრეტულად რა არის ლაშქრობაში სასარგებლო?

გადავხედოთ ჩვენს ცხოვრებას - აგრესია, ინფორმაციული გადატვირთვა, დაძაბულობა და ერთფეროვნება, მკვეთრად შეზღუდული ფიზიკური აქტივობა, სტრესები, "სმოგი", ქალაქში სიმწვანის დეფიციტი, მავნე ჩვევები, მათ შორის ტელევიზორი, კომპიუტერი, ხმაური, ურთიერთობების ვირტუალიზაცია და პირდაპირი ცოცხალი ურთიერთობების ნაკლებობა.

შედეგი - კარჩაკეტილობა, ნევროზები, დეპრესია, დამოკიდებულება, სუიციდი... მატულობს ფსიქოთერაპევტებთან პაციენტების რიცხვი და კიდევ უფრო მეტია მათი რაოდენობა, ვისაც ეს დახმარება სჭირდებათ და არ აქვს.

ცოტაოდენი ფაქტები:

1. დედამიწის ატმოსფერო შედგება 78% აზოტისა და 21% ჟანგბადისგან, 0,3% ნახშირორჟნგისგან. ჟანგბადის რაოდენობა ქალაქგარეთ, განსაკუთრებით მთებში 1-2%-ით მეტია, ვიდრე ქალაქში, იგი იხარჯება ბენზინის წვაში. ავტომობილების გამონაბოლქვი აირები  74% ნახშირორჟანგისგან შედგება, ამიტომ ქალაქების ატმოსფეროში ამ აირის რაოდენობა 0,7% აღწევს.

2.ოფიციალური ცნობებით გულ-სისხლძარღვთა დაავადებები სიკვდილიანობის 40-60% შეადგენს და პირველ ადგილზეა, შემდეგ ავთვისებიანი სიმსივნეები - 15-20%, ტრავმები - 5%, ფილტვების დავადებები და სხვა. დაავადებებიდან ყველაზე ხშირი და სიცოცხლის ხანგრძლივობაზე მოქმმედი არის სამი: ათეროსკლეროზი, ჰიპერტონული დაავადება, კორონარული დაავადება ან ინფარქტი.

3. მიჩიგანის უნივერსიტეტის მეცნიერებმა დაადგინეს: საშუალო ხმაურის დონის ყოველ დამატებით 10 დბ შეუძლია არტერიული წნევის 2 დანაყოფით მომატება, რაც დაახლოებით 10%-ით ზრდის ინსულტის რისკს და 5% -ით გულის დაავადებების რისკს. მეცნიერების მონაცემებით, ხმაურით დაბინძურება, რომელიც დიდი ქალაქებისთვის არის დამახასიათებელი,  ამცირებს ადამიანების სიცოცხლეს 10-12 წლით. ხმაურის ნეგატიური ეფექტი 36%-ით უფრო მნიშვნელოვანია, ვიდრე თამბაქოს მოწევა, რომელიც ადამიანის სიცოცხლის ხანგრძლივობას 6-8 წლით ამცირებს.

4. მხოფლიოში ყოველ 20 წამში ერთი ადამიანი იკლავს თავს, ხოლო 2 წამში ერთხელ ეს ქმედება წარუმატებელია. თვითმკვლელების რიცხვი აღემატება მკვლელობების მცხვერპლთა და ომში დაღუპულთა რიცხვს ერთად აღებულს. მსოფლიოში თვითმკვლელობების რიცხვი სტაბილურად იზრდება - ამას ადასტურებს თვითმკვლელობების აცილების საერთაშორისო ასოციაცია (International Association for Suicide Prevention), რომელიც გათვლებს 1950 წლებიდან აწარმოებს. განსაკუთრებით დიდია თვითმკვლელობების რაოდენობა მოზრდილებში.

5.  სტატისტიკა ამტკიცებს, რომ ყოველწლიურად 77 ათასი ადამიანი პირველად სინჯავს ნარკოტიკს. მათგან 35 ათასი კვდება დოზის გადაჭარბების გამო. დარჩენილები აგრძელებენ მიღებას, მაგრამ ეს დიდხანს არ გრძელდება. ბოლო წლებში ნარკოტიკებისგან კვდება 14-ჯერ მეტი ადამიანი, ვიდრე ადრე. მათ შორის მოზრდილები - 40 ჯერ მეტი. ნარკომანი ცოცხლობს საშუალოდ 5 წელი. 100% ნარკომანებიდან: 19% -სკოლის მოსწავლეა, 62% ახალგაზრდა თაობა (16-31 წელი), 19% - 31 წლის ზემოთ. სტატისტიკამ აჩვენა, რომ ბავშვები ნარკოტიკების მოხმარებას იწყებენ 7 წლიდან, მათ  ნარკომანი მშობლები აჩვევენ. ნარკოტიკები გავრცელებულია სკოლებში, კლუბებში და ამდაგვარ ადგილებში. ადამიანების 75%  ნარკოტიკებს პირველად ზუსტად ასეთ ადგილებში სინჯავენ.
 

განტვირთვა, გარემოს შეცვლა - პირველი ნაბიჯია, რასაც  აუცილებლად გირჩევთ ფსიქოთერაპევტი. სიმწვანე, პერსპექტივის შეგრძნება, სუფთა ჰაერი - ეს მართლაც და ბუნებრივი სასწაულმომქმედი საშუალებებია, რომლის გამოუყენებლობა საკუთარი ჯანმრთელობის გასაუმჯობესებლად დიდი შეცდომაა.

ლაშქრობა - აქტიური განტვირთვის უებარი საშუალებაა, რომელსაც გააჩნია დადებითი და ხანგრძლივი ფსიქოლოგიური განწობის შექმნის უნარი. იგი არაჩვეულებრივად ეფექტური გამაჯანსაღებელი საშუალებაა, მაგრამ, სამწუხაროდ, ექიმები ხშირად არ აძლევენ ასეთი საშუალების რეკომენდაციას საკუთარ პაციენტებს, არადა ზემოქმედების მიხედვით იგი ძალიან ბევრი წამლის გამოყენების აუცლებლობას შეამცირებდა.

ერთხელ ლაშქრობაში წასული ადამიანი კარგად გრძნობს მისი ზემოქმედების ძალას,  და შემდგომში ამგვარი დასვენების საშუალებას თავად ირჩევს, ალბათ ამიტომ გახდა ლაშქრობა ასეთი პოპულარული, თანაც არა მხოლოდ საქართველოში.

ისევე, როგორც საქართველოში არსებობს მოლაშქრეთა ეროვნული ფედერაცია, მასში გაერთიანებული ცალკეული მოლაშქრეთა კლუბებით, ისე ბევრ სხვა  ქვეყანაში მოლაშქრეთა კლუბები ლაშქრობის მოყვარულ ადამიანებს აერთიანებთ, სადაც სათავეში გამოცდილი პროფესიონალები უდგანან. ფაქტიურად ეს გატაცება ცხოვრების აუცილებელ ატრიბუტად იქცევა და ცხოვრების სტილად ყალიბდება. მათ ურთიერთობას ჯანმრთელობა, მხნეობა, შთაბეჭდილებები, დიდი ცხოვრებისეული გამოცდილება მოყვება.

ასეთი ადამიანები განსხვავდებიან ბუნებისადმი უსაზღვრო სიყვარულით და კარგი ჯანმრთელობით, მუდამ კარგ ფიზიკურ ფორმას და განწყობას ინარჩუნებენ. ლაშქრობა - მათი ცხოვრების ერთი დიდი თავგადასავალია!

იგი თითქმის ყველა ასაკისა და ჯანმრთელობის მდგომარეობის ადამიანებისთვის არის შესაძლებელი. დაწყებული იმ ასაკიდან, როდესაც ბავშვს უკვე შეუძლია გარკვეული მანძილების დამოუკიდებლად დაფარვა. ეს არის საუკეთესო საშუალება, რათა ბავშვს კარგად ჩამოუყალიბდეს საყრდენ-მამოძრავებელი, გულ-სისხლძარღთა და სასუნთქი, კუჭ-ნაწლავის სისტემები, გაუმჯობესდეს აზროვნების უნარი, გაუძლიერდეს იმუნიტეტი, შეუმცირდეს არაინფექციური დაავადებების რისკი. განსაკუთრებულად დადებითად ლაშქრობა მოქმედებს მოზარდებზე. ეს ასაკი თავისთავად კრიტიკული პერიოდია მოზარდის ცხოვრებაში, რომელიც დიდ ზემოქმედებას ახდენს მის შემდგომ ცხოვრებაზე, რასაც ზემოთ მოყვანილი ფაქტებიც ადასტურებს. თავის დამკვიდრების მცდელობაში ისინი იოლად ექვემდებარებიან მავნე ზემოქმედებებს: ტოქსიკომანია, ნარკოტიკები, სასმელი, თამბაქო, თამაშები და სხვა. ასეთ ასაკში დადებითი ჩვევების ჩამოყალიბება, მეგობრებთან სასიამოვნო და ჯანსაღი ურთიერთობების წარმართვა, სიძნელეების გადალახვა, რისი კარგი საშუალება ლაშქრობა, - უნმიშვნელოვანესია. მით უფრო მისასალმებელია მოლაშქრეთა ფედერაციის მიმართულება მოლაშქრეთა კლუბების სკოლებში და უმაღლეს სასწავლებლებში ჩამოყალიბება.

 ხანდაზმულებში ლაშქრობები შესაძლოა ცხოვრების ხარისხის გაუმჯობესების კარგი საშუალება გახდეს. მოძრაობა - ხანდაზმულებისთვის აუცილებელი ყოველდღიური კომპონენტია, რაც საყრდენ-მამოძრავებელი სისტემის ჯანმრთელობას სჭირდება. თანაც სუფთა ჰაერი, ზომიერი დატვირთვა გულ-სისხლძარღვთა და სასუნთქი სისტემის მუშაობის მოწესრიგებას უწყობს ხელს, რაც სიცოცხლის გახანგრძლივების პირობაა.  მოლაშქრე ხანდაზმული ადამიანები ყოველთვის უფრო მხნედ და ახალგაზრდულად გამოიყურებიან, ვიდრე მათი არამოლაშქრე თანატოლები. მოდუნებული კუნთები მაგრდება, წნევა სტაბილურდება, წონა იკლებს, სახსრები და ძვლები მაგრდება, ხოლო მოძრაობები თავისუფალი და აქტიური ხდება, განწყობა უმჯობესდება, მატულობს სასიცოცხლო ენერგია, სიცოცხლის ხარისხი და ხალისი.

ლაშქრობა - ძალიან საინტერესო და განმავითარებელია, აქტიური ცხოვრების სტილით ცხოვრება აუცილებელია, მაშინ ქრება გულის პრობლემები, წესრიგდება წონა, უმჯობესდება ემოციური მდგომარეობა. თუ სწრაფი ტემპი თქვენი ჩვევა გახდა, მაშინ დაანებეთ თავი ფიზიკურ ვარჯიშებს, ისინი ვერ მოგიტანენ სარგებელს. ამიტომ უფრო უსაფრთხო და უკეთესი  იქნება ლაშქრობა. მშობლიურ ადგილებში მოკლევადიანი ლაშქრობა - შემეცნებითი და განწყობის გასაუმჯობესებელია.

ლაშქრობა - ხანგრძლივი და ზომიერი ფიზიკური დატვირთვაა. 

დინამიური ფიზიკური დატვირთვები უფრო სასურველია, ვიდრე სტატიკური, თანაც დატვირთვები უნდა იყოს საკმარისად ხანგრძლივი. შეადარეთ: ძილის დროს ჰემოგლობინის ჟანგბადით გაჯერება შეადგენს 30%, უძრავად ჯდომისას - 40%, სწრაფი სიარულისას - 60%, 20 წუთის ვარჯიშებისას - 80%, ხოლო 1 საათის სიარულისას - 100%. ამრიგად, ფიზიკური დატვირთვის გარეშე ჟანგვითი პროცესები უკეთეს მდგომარეობაში თავისი ინტენსივობის მხოლოდ 50% აღწევს. ქალაქში მცხოვრებთა უმეტესობას ნაკლებად მოძრავი ცხოვრების სტილი აქვს, თანაც დროს უმეტესობას ისინი სახლში ატარებენ (განსაკუთრებით ზამთარში), სადაც ჟანგბადის კონცენტრაცია 2-3 ჯერ ნაკლებია. კვების მოუწესრიგებლობის გათვალისწინებით 40 წლის ადამიანი კვდება სადღაც 50 წლის ასაკში ინფარქტისგან ან ინსულტისგან. ფიზიკური დატვირთვები აუცილებლად ხანგრძლივი უნდა იყოს, არანაკლებ 2 საათისა.


ჯანდაცვის საერთაშორისო ორგანიზაციამ შეიმუშავა ჯანმრთელობისთვის აუცილებელი ფიზიკური აქტივობის გლობალური რეკომენდაციები, სადაც ლაშქრობები ყველა ასაკის ადამიანებისთვისაა გათვალისწინებული.

გარემოს შეცვლა, ახალი ადამიანების გაცნობა,  ველური ბუნების პირობები შესაძლოა საინტერესო შტრიხი გახდეს ადამიანის ცხოვრებაში, რომელმაც შესაძლოა მკვეთრად შეცვალოს მისი ჩვევები, მისწრაფებები და შედეგად... მისი ჯანმრთელობა და მთელი ცხოვრება.

ლაშქრობის  პოპულარობის ზრდის ერთ-ერთი ასპექტი ზუსტად მისი ძლიერი ზემოქმედებაა ფსიქოლოგიურ განწყობაზე.  იგი ყოველთვის ასოცირდება სუფთა ჰაერთან და დადებით ემოციებთან, თუმცა მიწის სუნი, ჭუჭყიანი ფეხსაცმელი და მიწაზე ძილიც კარგ ასოციაციებს იწვევს.

თანამედროვეობამ და ტურიზმის ინდუსტრიის განვითარებამ გაამრავალფეროვნა ლაშქრობები - მსურველს დიდი არჩევანი აქვს მარშრუტის, ხანგრძლივობის, სირთულის და კომფორტის დონის მიხედვით. შესაძლებელია გარკვეული ტერიტორიების მანქანით, ცხენებით ან ფეხით გავლა, ღამის თევა მიწაზე საძინებელ ტომარაში ან სასტუმროს ნომერში და სხვა, რაც მკვეთრად ზრდის ლაშქრობაში მონაწილეების ასაკსაც და ჯანმრთელობის მდგომარეობასაც.

უნდა აღინიშნოს, რომ მოლაშქრეთა ეროვნული ფედერაციის ძირითადი და მნიშვნელოვანი ფუნქცია - ლაშქრობების კოორდინაცია და უსაფრთხოების შექმნაა, რაც ლაშქრობებს უფრო მეტ პოპულარობას შესძენს, განსაკუთრებით ისეთი ფაქიზი მოსახლეობის კატეგორიებისთვის, როგორიცაა სკოლის მოსწავლეები, ხანდაზმულები, შეზღუდული შესაძლებლობების მქონე პირები.

ლაშქრობა - აქტიური დასვენებაა, სადაც შეგიძლიათ საკუთარი შესაძლებლობების გამომჟღავნება და გამოცდა. თანაც ასეთი სახის დასვენება არა მხოლოდ ანეიტრალებს ჩვეული ცხოვრებით გამოწვეულ ფსიქო-სომატურ პრობლემებს, არამედ ახდენს კიდევ უფრო ძლიერ, ხანგრძლივ და ღრმა დადებით ზემოქმედებას ორგანიზმზე.

ლაშქრობის დროს ხდება კუნთების მასის ზრდა, გამაგრება, ორგანიზმში სისხლის მომარაგების გაუმჯობესება, გააქტიურებული ნაწილების გამო, განსაკუთრებით ადრე უმოძრაო ადგილებში, ყალიბდება ფსიქოლოგიური კომფორტის შეგრძნება. ამრიგად ლაშქრობა წარმოადგენს ფსიქო-სოციალური რეაბილიტაციის მშვენიერ საშუალებას, სადაც  კორექტირდება არა მხოლოდ ფსიქოლოგიური მდგომარეობა, არამედ  უმჯობესდება ფიზიკური ფორმაც, იხვეწება სხეული.

ამგვარად ლაშქრობა წარმოადგენს ფიზიკური ფორმის დახვეწა-შენარჩუნების ერთ-ერთ კარგ საშუალებას.

ლაშქრობაში ხდება დადებითი შთაბეჭდილებების მოგროვება, ემოციური მუხტის გამომჟღავნება და მათგან გათავისუფლება, დადებითი მუხტით ჩანაცვლებით.

ახალი შთაბეჭდილებები, ახალი ადგილების მონახულება, გზაში გარკვეული სირთულეების გადალახვა, საჭიროების შემთხვევაში გამჭრიახობის გამოვლინება, მეგობრის დახმარება - ლაშქრობაში ყველაფერი ქმნის გონების და აზროვნების სტიმულირების ახალ წყაროს. ამრიგად ვღებულობთ ფიზიკური, გონებრივი და ფსიქოლოგიური მუშაობის ერთიანობას, რაც დინამიურად აბალანსებს და ავსებს ერთმანეთს.

ლაშქრობის  შემდეგ  კი  შინაგანი რეზერვების გაზრდას, ფიზიკურად და გონებრივად მომზადებული ადამიანი ყალიბდება, რომელსაც შეუძლია მეტი წინააღმდეგობა გაუწიოს იმ სიძნელეებს, რომელიც ჩვეულებრივად ხვდება ცხოვრების გზაზე.

ამრიგად, ლაშქრობის დადებითი მხარეებია:

·         ადამიანის ფსიქოლოგიური, ფიზიკური და გონებრივი შესაძლებლობების გაუმჯობესება, დაბალანსება;

·         ნერვული სტრესებისგან განმუხტვა, დადებითი ემოციების დაგროვება, ნერვული სისტემის მუშაობის ოპტიმიზირება;

·          წნევების რეჟიმის გაუმჯობესება, გულის უკმარისობის ხარისხის შემცირება;

·          სუნთქვის ხარისხის გაუმჯობესება, ჟანგბადით სისხლის მომარაგების გაუმჯობესება;

·          კუნთების გამაგრება, კუნთოვანი მასის გაზრდა (რეგულარულობის შემთხვევაში);

·         წონის შემცირება, ფიზიკური ფორმის გაუმჯობესება;

·         ფსიქოლოგიური და გონებრივი რეაბილიტაცია;

·         გაჯანსაღება, გაახალგაზრდავება;

·         ზემოქმედება ცხოვრებაზე: ლაშქრობა ცხოვრების სტილია!

მოლაშქრეთა ეროვნული ფედერაცია: https://www.facebook.com/molashkre

იყავი გონიერი პაციენტი! გისურვებთ ჯანმრთელობას!

 

ასევე ნახეთ:
5 საინტერესო ფაქტი თქვენში მცხოვრებ ბაქტერიებზე
ჰოლისტური მედიცინა
ფტორი, წყალი და კბილის პასტა

ბედნიერი ქალის 5 ყოველდღიური რჩევა

არტერიული ჰიპერტენზია
ხალხური რეცეპტები
ეშველება რამე ხვრინვას?

ბრონქიალური ასთმა - კომპლექსური მიდგომა
კაცუძო ნიშის ჯანმრთელობის ექვსი ოქროს წესი
წყლის მინერალიზაცია
უშვილობის პრობლემა - მკურნალობის სისწორის ასახვაა
წყლის სიხისტე და ჯანმრთელობა
რომელი მარილი უნდა მივიღოთ?
მე, გარემო და ჯანმრთელობა
ოტიტი ანტიბიოტიკებს არ საჭიროებს!
დააკვირდით სითხეების და პროდუქტების თვისებებს
აუტიზმის აღმოცენების ვერსიები
ვაქცინების სახეობები
ვაქცინების შოკისმომგვრელი შიგთავსი
სითხეების თვისებები ჩვენი ჯანმრთელობისთვის
არ მიიღოთ! 3. პროზაკი
არ მიიღოთ! 2
არ მიიღოთ!
აცრები
როგორი პაციენტი ხართ?
გსურთ დაამარცხოთ ალერგია?
დღევანდელობის პარადოქსი
რა არის ალტერნატივა მკურნალობაში?
რა იცით ნეგლერიაზზე?
გოგრა - ჯანსაღი კვების კარგი მაგალითი
და კიდევ მეტი იხილეთ ბლოგის არქივში