ჰოლისტური მედიცინა

როგორც ჩემი ბლოგიდან მოგეხსენებათ, მკურნალობის მიმართ მე განსხვავებული მიდგომები გამაჩნია. მიმართულება, რომლის წარმომადგენლად ვთვლი თავს - ჰოლისტური მედიცინაა. რადგანაც საქართველოში ჯერ არ არსებობს ისეთი გაერთიანება, სადაც ამ მიმართულების ექიმებს შეგვიძლია  გარკვეული შეხედულებების ჩამოყალიბება, განვითარების გეგმების დასახვა და სხვა, მე ვეცადე ჩემი ბლოგის მეშვეობით გამეკეთებინა ის, რაც არის შესაძლებელი. მკურნალობას ბევრი სტატია მივუძღვენი, ეხლა მინდა შემოგთავაზოთ სხვადასხვა აზრები და შეხედულებები, რაც ჰოლისტური მედიცინის შესახებ გარკვეულ წარმოდგენას შეგიქმნით.

კრისტოფ ვილჰელმ გუფელანდი -
გერმანელი კლინიცისტი-თერაპევტი,
მედიცინის დოქტორი (1783 წ).

სამედიცინო ხელოვნება ერთია, რადგანაც იგი ემყარება ბუნების მარადიულ კანონებს; მაგრამ სამედიცინო სისტემები ბევრია. სხვაგვარად არ შეიძლება. სისტემები დამოკიდებულია მცნებების უპირატესობაზე და შემეცნების მდგომარეობაზე, რომელზედაც ისინი მტკიცდებიან.
გუფელანდი.

მცნებები  "ჰოლიზმი" და "ჰოლისტური" ბერძნული სიტყვა "ჰოლონ"-ისგანაა წარმოქმნილი, რაც "მთლიანობას", "მთელს" ნიშნავს. შესაბამისად მთელი სამყარო და ყველაფერი ცოცხალი ჰოლიზმის თვალსაზრისით - ერთი მთლიანობაა. ამ მოძრაობის კონცეპცია მდგომარეობს იმაში, რომ ადამიანი განუყოფელია და ერთ მთლიანს წარმოადგენს. ამ კონცეპციის თანახმად, ყოველი ინდივიდი არის სამყაროს ნაწილი და მთლიანად ასახავს მის სტრუქტურას. "მთლიანობის" მატერიალური მატარებელი არის დნმ-ის ჰოლოგრაფიული სტრუქტურა, რომელშიც მთლიანობის ალგორითმია რეალიზებული. იგი ჯერ კიდევ  ჩვ. წ. აღ.-მდე V საუკუნეში ჩამოაყალიბა ჰერაკლიტემ: "ერთიდან - ყველაფერი, ყველაფრიდან - ერთი".

ჰოლიზმი მონაწილეობდა ევროპელი მოაზროვნეების სწავლებებში ძველი დროიდან მე-XVII-ე საუკუნის შუამდე. შემდეგ, მეცნიერების განვითარებასთან ერთად, რომელმაც მას პრაქტიკული ფასეულობის არქონის გამო, ფილოსოფიური კონცეპციის როლი მიუჩინა, ჰოლიზმი ჩრდილს მიეფარა.

ჰოლიზმის მიმართ მასობრივი ინტერესი მე-XX საუკუნეში აღორძინდა. თანამედროვე ჰოლისტური

იან სმეთსი

მიდგომის მამამთავარი გახდა სამხრეთ აფრიკელი პოლიტიკოსი და ფილოსოფოსი იან სმეთსი. კონცეფციის თანახმად, რომელიც აღწერილია წიგნში "ჰოლიზმი და ევოლუცია" (1926 წ.), ჰოლიზმი თავის თავში აერთიანებს როგორც იდეალისტურ, ისე მატერიალურ საწყისებს. იგი მთლიანობის პრინციპის სიმბოლოა, სადაც ნაწილი ექვემდებარება მთელს. ეს სულის უმნიშვნელოვანესი თვისებაა, რომელის განსაზღვრავს ობიექტის შეკავშირებას ერთ მთლიანობად და ზემოქმედებს სხვადასხვა ნაწილების თვისებებზე.

 მე- XX საუკუნის 90-იანი წლების დასაწყისში ჯერ აშშ-ში, შემდეგ კი ევროპაში ჰოლისტური მედიცინა ფართო განვითარებას აღწევს როგორც ალტერნატიული მიმართულება  ტრადიციული სამედიცინო პრაქტიკის ჩარჩოებში.

ჰოლისტური მედიცინა, ინტერგრაციული მედიცინა, სისტემური მედიცინა, არატრადიციული მედიცინა, ტრადიციული მედიცინა, ნატურალური მედიცინა, ალტერნატიული მედიცინა, ბიოლოგიური მედიცინა, სინთეთიკური მედიცინა... ეს სახელწოდებების არასრული ჩამონათვალია, რომელიც ასახავს თანამედროვე მედიცინის განვითარებას.

ჰოლისტური მედიცინა - ეს თანამედროვე და ძველი მედიცინის ყველა მიმართულების ინტეგრალური დასახელებაა, რომელთა საფუძველს სისტემური მიდგომა წარმოადგენს.

ისტორიის შესწავლა დაგვეხმარებოდა მოგვეშორებინა არსწორი წარმოდგენები, რომ მედიცინა მხოლოდ ХХ საუკუნეში დაიწყო, ხოლო ძველი მკურნალები და მღვდელი-ექიმები  იყვნენ საწყალი ბრიყვები.

გერხარდ კიოლერი

ცნობილი და ავტორიტეტული ჰოლისტური მედიცინის დოქტორი, რომელმაც თავის დროზე ქირურგია მიატოვა, როი მარტინა ერთ საუბარში ასე ხსნის:"ჰოლისტური მიდგომის საფუძველს წარმოადგენს პაციენტის ჯანმრთელობის პოტენციალის გაზრდა. ეს განკურნების  ყველაზე ეფექტური მეთოდია. დასავლეთ ევროპასა და აშშ-ში ალტერნატიული მედიცინა მთლიანად, კერძოდ კი ჰოლისტური მედიცინა, უდიდესი ტემპებით ვითარდება. აშშ-ში მოსახლეობის 50% არატრადიციულ საშუალებებს იყენებს და სამკურნალოდ ჰოლისტური მედიცინის სპეციალისტებს მიმართავს. ძალიან მოთხოვნადია პროფესიონალების მომსახურება ქიროპრაქტიკის და აკუპუნქტურის დარგში იმის გამო, რომ ეს მეთოდიკები საშუალებას იძლევა გართულებების გარეშე, რომელიც შესაძლოა ფარმაცევტულმა პრეპარატებმა გამოიწვიოს, განიკურნოს ბევრი სერიოზული დაავადება. ისეთ ქვეყნებში, როგორიცაა იტალია, გერმანია, ჰოლანდია და სხვა ჰომეოპათიის საშუალებები დიდი ხანია აფთიაქებში იყიდება, ხოლო არატრადიციული მედიცინის კლინიკებში მკურნალობა სადაზღვევო კომპანიების მიერ ანაზღაურდება. 

აშშ-ში წარმოებულია მრავალი დამოუკიდებელი კვლევა, რომელთა შედეგებიც აშფოთებს მოსახლეობას: ტრადიციული მედიცინის მეთოდებით მკურნალობა იკავებს მესამე ადგილს იმ ფაქტორებს შორის, რომლებიც ავადმყოფთა სიკვდილს იწვევს.

ყოველ წელს, წამლების მიღების შედეგად 220 000 ადამიანი კვდება, და შემთხვევათა ნახევარში წამლები ექიმების მიერ არის დანიშნული. დამეთანხმეთ, ამ ფაქტორებმა არ შეიძლება ყურადღება არ მიგაქცევინოს ჰოლისტურ მედიცინაზე და სხვა ალტერნატიულ პრაქტიკებზე."

თანამედროვე მედიცინა არც ცდილობს ჩაწვდეს და გაიგოს მთლიანი მაღალორგანიზებული ერთიანი ორგანიზმის სისტემის ბუნება, რომლის თვისებები პრინციპულად განსხვავდება მისი ცალკეული ელემენტების უბრალო ჯამისგან. ჰოლისტური თვისებები შესაძლოა ეცადო გაიგო სისტემის ცალკეული რგოლების შესწავლისას: ნერვული, გულ-სისხლძარღვთა, მომნელებელი, გამომყოფი და სხვა. მაგრამ ეს ცოდნა მოკლებული იქნება მთლიანობის ანუ გამაერთიანებელ პრინციპს, რომელიც არსებობს ცალკეული ნაწილების თვისებების მიღმა.

მედიცინის მეცნიერებათა დოქტორის, პროფესორის, ბურდენკოს სახელობის ნეიროქირურგიის სამეცნიერო-კვლევითი ინსტიტუტის ექს - მთავარი რეანიმატოლოგის ედუარდ სიროვსკის აზრით, "მედიცინა, რომელსაც საფუძვლად სიმპტომატური თერაპია უდევს, მთლიანად უარყოფს მკურნალობისადმი ჰოლისტური მიდგომის მნიშვნელობას". 

ბ-ნი სიროვსკი აღნიშნავს:"ეს განსაკუთრებით ნათლად ჩანს ყველა პროფილაქტიკურ პროგრამებში, რომელიც სიმპტომატურ მკურნალობაზეა აგებული. ჰოლისტური, თვითრეგულირებადი ორგანიზმის სისტემა, მძაფრი ზემოქმედებების მიმართ ადაპტაციისას, შასაძლოა გარეგანად მრავალი სიმპტომით გამოვლინდეს: ტემპერატურის, არტერიული წნევის, ქოლესტერინის, შეშუპებების მატებით და სხვა. ამ სიმპტომებთან ბრძოლის გზაზე დგება ექიმი, რომელის ორგანიზმის მთლიანობის და მიზნის ფუნდამენტური პრინციპებისგან შორსაა. ექიმი, რომელსაც არ ესმის ადამიანის ორგანიზმის მთლიანობის არსი, ეცდება ყველა გზით შენიშნული ცვლილებები ნორმაში მოიყვანოს. თუ ექიმი თავის სამკურნალო პრაქტიკაში უარყოფს ჰოლიზმის თეორიას - არ არის გამორიცხული უარყოფითი შედეგები წარმატებულად ჩატარებული თერაპიის შედეგად."

ამრიგად, ექიმი დღეს ჩვეულად ადგენს მკურნალობის თავის ტაქტიკას არა ორგანიზმის განსაკურნებლად, არამედ სიმპტომის გასაქრობად, უფრო სწორედ მოვლენისა, რომლითაც დაავადება მჟღავნდება. აზრს დაკარგულია სიმპტომის დათრგუნვა, რომელიც პრობლემაზე მიუთითებს. სიმპტომის მედიკამენტოზური მოსპობა არ არის განკურნების მაჩვენებელი. ამას გარდა, ამას შეუძლია ორაგიზმის უფრო სერიოზული პრობლემების პროვოცირება. სწორი იქნება სტრატეგია, სადაც სხვადასხვა სიმპტომები აღიქმება როგორც sos-სიგნალები, რომელთაც განსაკუთრებული ყურადღება სჭირდება, მაგრამ არა გაქრობა, რადგანაც სიმპტომი თავად გაქრება, როდესაც მიზეზი აღმოჩენილი და მოშორებული იქნება.

ფიზიოლოგიური და ბიოქიმიური პარამეტრების ნორმალიზაციის მაგარანტირებელი სიმპტომატური თერაპია, ხილული კეთილდღეობის მხოლოდ ილუზიას ქმნის. ასეთი თერაპია ექიმს აფერხებს, რომელიც სიმპტომის გაქრობას მკურნალობის აბსოლუტურ წარმატებად აფასებს. ექიმისთვის, რომელსაც არ ესმის სიმპტომების ენა და პრობლემის მთლიანობის ხედვა არ გააჩნია,  ცვლილებების მედიკამენტოზური ნორმალიზება ხშირად თვითმიზანი ხდება.

ჰოლისტურ მედიცინის შემადგენელ ნაწილებს  უდიდესი, ათასწლეულების ისტორია გააჩნია. როდესღაც ისინი კლასიკურად, ტრადიციულად ითვლებოდნენ, მაგრამ, მეცნიერების განვითარებამ მათ ალტერნატიული ან დანატებითი პრაქტიკების ადგილი მიუჩინა.

აკუპუნქტურა, ჰომეოპათია, ქიროპრაქტიკა და ოსტეოპათია, ფიტოთერაპია, აიურვედა, არომათერაპია, აპითერაპია  და კიდევ ბევრი სხვა მეთოდი, რომელიც ასეთივე პრინციპებს ეყრდნობა ჰოლისტური მედიცინის შემადგენლობაშია.

დღეს, მესამე ათასწლეულის დასაწყისში, მედიცინაში მიმდინარეობს კარდინალური ცვლილებები, რომლებიც ხასიათდებიან სამედიცინო მეცნიერების და პრაქტიკის  ყველა მიმართულების სინთეზით და ერთიანი (ჰოლისტური) მედიცინის შექმნით, რომელიც ყურადღებას აქცევს ინდივიდუალურ მიდგომას დიაგნოსტიკაში, მკურნალობასა და დაავადებების პროფილაქტიკაში.

დღეს ჩვენ გვაქვს უსაზღვრო სამეცნიერო მემკვიდრეობა, რომლის საფუძველზე შენდება ჰოლისტური მედიცინის ორგანიზმი. ასეთი ორგანიზმის აგება შეუძლებელია ყველა სამედიცინო სკოლის და სისტემის, ძველის და თანამედროვეს გაუთვალისწინებლად. ძველი ეგვიპტური, ინდური, ჩინური, ტიბეტური, ბერძნული, ქართული, ტაჯიკური, არაბული სამედიცინო სკოლები და სისტემები, ჰომეოპათიური მედიცინა, თანამედროვე მედიცინა მისი მიღწევებით და პრობლემებით - ყველაფერი უნდა იქნას გათვალისწინებული მესამე ათასწლეულის მედიცინის  - ჰოლისტური მედიცინის  შექმნისას.

 " ჰოლისტური აზროვნების და გაგების მეთოდი სრულიად ბუნებრივია, ბუნებრივია ავტომატიზმამდე ჯანმრთელი, თვითაქტუალიზებული ადამიანებისთვის და, პირიქით, ძალიან   რთული ნაკლებ განვითარებული, ნაკლებად მომწიფებული, ნაკლებად ჯანმრთელი კაცობრიობის წარმომადგენლებისთვის". აბრაჰამ ჰაროლდ მასლოუ.

გამოყენებული მასალა: http://ezoterik.org/Xol_medizina.php   http://holimed.lviv.ua/rus/

იყავი გონიერი პაციენტი! გისურვებთ ჯანმრთელობას!

ასევე ნახეთ:
5 საინტერესო ფაქტი თქვენში მცხოვრებ ბაქტერიებზე

ბედნიერი ქალის 5 ყოველდღიური რჩევა

არტერიული ჰიპერტენზია
ხალხური რეცეპტები
ეშველება რამე ხვრინვას?

ბრონქიალური ასთმა - კომპლექსური მიდგომა
კაცუძო ნიშის ჯანმრთელობის ექვსი ოქროს წესი
წყლის მინერალიზაცია
უშვილობის პრობლემა - მკურნალობის სისწორის ასახვაა
წყლის სიხისტე და ჯანმრთელობა
რომელი მარილი უნდა მივიღოთ?
მე, გარემო და ჯანმრთელობა
ოტიტი ანტიბიოტიკებს არ საჭიროებს!
დააკვირდით სითხეების და პროდუქტების თვისებებს
აუტიზმის აღმოცენების ვერსიები
ვაქცინების სახეობები
ვაქცინების შოკისმომგვრელი შიგთავსი
სითხეების თვისებები ჩვენი ჯანმრთელობისთვის
არ მიიღოთ! 3. პროზაკი
არ მიიღოთ! 2
არ მიიღოთ!
აცრები
როგორი პაციენტი ხართ?
გსურთ დაამარცხოთ ალერგია?
დღევანდელობის პარადოქსი
რა არის ალტერნატივა მკურნალობაში?
რა იცით ნეგლერიაზზე?
გოგრა - ჯანსაღი კვების კარგი მაგალითი
და კიდევ მეტი იხილეთ ბლოგის არქივში

ნაჯერი ცხიმები კარგია თქვენი გულისთვის!

ქრისტიან ნორტრუფი - მედიცინის დოქტორი, ქალის და საერთოდ ჯანმრთელობის  წამყვანი სპეციალისტი მსოფლიოში. იგი აღიარებს გონების, სხეულის, ემოციების და სულის ერთიანობას.

 ეს სტატია "British Medical Journal"-ში (BMJ) დაიდო, რომ გამოხმაურებოდა მითს: ნაჯერი ცხიმი გულისთვის ცუდი არ არის. ეს სიახლეა, რომელსაც დიდი ხანია ვეჭვობდი. ჩვენ შეგვიძლია ამის მეცნიერული დასაბუთება. 

ცხიმი არ არის მტერი, როდესაც საქმე  გულ-სისხლძარღვთა დაავადებებს, წონის მატებას, ტვინის ჯანმრთელობას და კიდევ ბევრ სხვა პრობლემას ეხება. 

გამოდის, რომ თქვენ სიმსუქნეში დამნაშავე შაქარია - ყველა თავისი ნირსახეობით. შაქარი იწვევს ანთებით პროცესებს მთელ ორგანიზმში, რაც ზრდის გულ-სისხლძარღვთა დაავადებების  და კიდევ ბევრ სხვას რისკს! 

ჩვენ ყველანი გაგვყიდა ე.წ. ჯანმრთელმა პროდუქციამ ცხიმის დაბალი შემცველობით, როგორიცაა ნამცხვრები თუ სხვა. თუ დაიწყებთ ეტიკეტების კითხვას, სწრაფად შეამჩნევთ, რამდენი შაქარია დამატებული ყველაფერში, განსაკუთრებით დაბალცხიმიან პროდუქტებში.

როდესაც ჩვენ ამოვიღეთ ცხიმი, გემოც ამოვიღეთ. უფრო მისაღები რომ გამხდარიყო, ჩვენ იგი ჩავანაცვლეთ შაქრით, შაქრის შემცვლელებით და მარილით. და თუ განაგრძობთ ეტიკეტის კითხვას, გაგიკვირდებათ, თუ რამდენ შაქარს შეიცავს ე. წ. ჯანმრთელი საკვები, როგორიცაა იოგურტი, ტომატი, ხილის წვენები - ასევე სალათების შესაზავებლები.
ყოველგვარი ეჭვის გარეშე გეტყვით, რომ ის, რასაც უნდა ვებრძოლოთ შაქარია და არა ცხიმი.

დავფიქრდეთ, ბურგერი ყველით და ბეკონით - არ არის პრობლემა, პრობლემაა კეტჩუპი, ფუნთუშა და შემწვარი რაღაცეები. ეს ყველაფერი ნახშირწყლებია, რაც მყისიერად ზრდის სისხლში შაქრის რაოდენობას, რადგან უფრო მაღალი გლიკემიური ინდექსი  აქვს ვიდრე უბრალო შაქარს. აი რას ვგულისხმობდი, როდესაც ვამბობდი შაქრის მრავალ ნაირსახეობაზე. 

საკვები, რომელშიც ცოტა ცხიმია და დამატებული აქვს შაქარი, ვერ დაგანაყრებთ - ყოველ შემთხვევაში არც ისე დიდი ხნით.  დასანაყრებლად ჩვენ ცხიმი გვჭირდება.მის გარეშე, ჩვენ  უფრო მეტი ტკბილი საკვები გვინდება - სანამ არ ვისწავლით გადართვას და უკეთესი საკვები პროდუქტების შერჩევას.

ეს  სისხლში შაქრის ატრაქციონ "ამერიკულ მთებს" გავს. ორგანიზმში შაქარი სისხლში მაქსიმუმსა და მინიმუმზე იმერყევებს და თქვენ ნამდვილად დაგჭირდებათ შაქარი, რომ კარგად იგრძნოთ თავი სისხლში შაქრის ვარდნებისას. 
მოდით ამას სერიოზულად შევხედოთ და დავინახოთ, თუ რა იწვევს სიმსუქნეს. 
შაქარი დღეს არის მთავარი დამნაშავე ანთებების წარმოქმნაში.

ეხლა მოგიყვანთ რამოდენიმე ამონარიდს სპეციფიკური სტატიიდან, რომელიც დაიბეჭდა 2014 წლის თებერვალში ჟურნალში American Medical Association [JAMA], რომლის გაზიარებაც ღირს:

·შაქარი კავშირშია გულის შეტევების რისკის მატებასთან და დემენციასთან, ასევე სხვა ანთებით დაავადებებთან, როგორიცაა ინსულინრეზისტენტობა და მეორე ტიპის დიაბეტი, სიმსუქნე, ღვიძლის პრობლემები, ართრიტები, მაღალი სიმკვრივის ქოლესტერინის შემცირება, ტრიგლიცერიდების მატება და კიბო.

· შაქრის ჭარბი რაოდენობით მომხმარებლებს გულის შეტევების  განვითარების რისკი 400% -ით ეზრდებათ, მათთან შედარებით, ვინც ცოტა შაქარს ღებულობს.

მოინიშნეთ  ამერიკის გულის ასოციაციის მიმდინარე რეკომენდაცია: დღეში მიღებულმა შაქარმა უნდა შეადგინოს  მთლიანად მიღებული კალორიების 5-7,5%.

· 20 უნცია (580 გრ) სოდა (გაზიანი სასმელი) ზრდის გულის შეტევის რისკს 30% -ით.

· თუკი თქვენ კალორიების 20%-ს  შაქრიდან მიიღებთ, გულის შეტევების რისკი 2-ჯერ  გაგეზრდებათ.

გულის შეტევების  დამოუკიდებელი რისკ-ფაქტორების შეჯერებისას იგივე სტატისტიკა გამოვლინდა ისეთ რისკ ფაქტორებთან, როგორიცაა მოწევა, მაღალი არტერიული წნევა, ალკოჰოლის მიღება და სხვა.  ზუსტად შაქარი, და არა ცხიმი ქმნის  აბდომინალურ (მუცლის) ცხიმს.

იცით თუ არა, რომ საშუალო ამერიკელი წელიწადში 138 ფუნტ (62652 გრ) შაქარს მოიხმარს? ხოლო შაქრის მიღების ზრდა ბოლო წლებში მთავარ როლს თამაშობს უჯრედოვანი ანთებების მატებაში - რაც  დიაბეტის და სიმუქნის სიხშირეს ზრდის.

სწორი სახის დიეტა თქვენი გულის დასახმარებლად (ასევე ტვინის და ნებისმიერი სხვა ორგანოსი) არის შემდეგი: ბევრი ჯანსაღი ბოსტნეული და ხილი, ცილები და მაღალი ხარისხის დაუმუშავებელი, გლუტენისგან თავისუფალი ნახშირწყლები. კინვა ან კვინოა - ამ შემთხვევაში ძალიან კარგი არჩევანია.

კვინოა - სამხრეთ ამერიკის ერთწლიანი ფსევდომარცვლოვანი მცენარე. კარტოფილთან და სიმინდთან ერთად  ინკების ძირითად საკვებს წარმოადგენდა.

დიახ, მე ვნახე დოკუმენტური ფილმები  Forks Over Knives და  Hungry for Change ჯანსაღ კვებაზე. და მივხვდი, რომ ჩვენ გვჭირდება მეტი ჯანსაღი მწვანილი და ბოსტნეული - და ნაკლები ხორცი.

ასევე ჩვენ გვჭირდება ჯანსაღი ცხიმი, როგორიცაა ქოქოსის, ავოკადოს, თხილის და სხვადასხვა თესლის ზეთი და, დიახ -  ცხოველური ნაჯერი ცხიმები. ცხიმების ყველაზე კარგი წყაროა კვერცხი, ბალახზე და ორგანულ საკვებზე გაზრდილი წიწილა და ხორცი, საქონლის ხორცი და ველურ პირობებში გაზრდილი თევზი. რა თქმა უნდა, ჩვენ შეგვიძლია ვეგეტარიანელებიც ვიყოთ, მაგრამ დარწმუნდით, რომ არ იკვებებით "დაბალი-ცხიმების პოლიციის" ზეგავლენით. რადგანაც დანაყრება დაბალცხიმიანი პროდუქტებით სადღაც მომავალში ყოველთვის  შაქრად გარდაიქმნება.

ასიმ მალჰოტრა, კარდიოლოგი და წამყვანი მკვლევარი British Medical Journal-ის სტატიაში: "დაკვირვება გულზე: ნაჯერი ცხიმები არ არის მთავარი პრობლემა" წერს - "ჩვენ გვაქვს სამეცნიერო დასაბუთება,  რომ ნაჯერი ცხიმების შემცირება "პარადოქსალურად ზრდის გულ-სისხლძარღვთა დაავადებების რისკს". მიხარია, რომ ხალხი გებულობს სიმართლეს შაქარზე და დაბალცხიმიან დიეტაზე.

შეგიძლიათ მოიძიოთ მისი სტატიები: 

[1] Aseem Malhotra, et al. Observations from the heart: saturated fat is not the major issue, BMJ, October 2013;347:f6340. 

_{[2] Quanhe Yang, PhD, et al. Added Sugar Intake and Cardiovascular Diseases Mortality Among US Adults, JAMA Intern Med, published online February 03, 2014. doi:10.1001/jamainternmed.2013.13563.}

მასალა ითარგმნა დოქტორ ქრისტიან ნორტრუფის ბლოგიდან: 

http://www.drnorthrup.com/blog/2014/02/newsflash-saturated-fat-is-good-for-your-heart

იყავი გონიერი პაციენტი! გისურვებთ ჯანმრთელობას!

ასევე ნახეთ:
5 საინტერესო ფაქტი თქვენში მცხოვრებ ბაქტერიებზე

ბედნიერი ქალის 5 ყოველდღიური რჩევა

არტერიული ჰიპერტენზია
ხალხური რეცეპტები
ეშველება რამე ხვრინვას?

ბრონქიალური ასთმა - კომპლექსური მიდგომა
კაცუძო ნიშის ჯანმრთელობის ექვსი ოქროს წესი
წყლის მინერალიზაცია
უშვილობის პრობლემა - მკურნალობის სისწორის ასახვაა
წყლის სიხისტე და ჯანმრთელობა
რომელი მარილი უნდა მივიღოთ?
მე, გარემო და ჯანმრთელობა
ოტიტი ანტიბიოტიკებს არ საჭიროებს!
დააკვირდით სითხეების და პროდუქტების თვისებებს
აუტიზმის აღმოცენების ვერსიები
ვაქცინების სახეობები
ვაქცინების შოკისმომგვრელი შიგთავსი
სითხეების თვისებები ჩვენი ჯანმრთელობისთვის
არ მიიღოთ! 3. პროზაკი
არ მიიღოთ! 2
არ მიიღოთ!
აცრები
როგორი პაციენტი ხართ?
გსურთ დაამარცხოთ ალერგია?
დღევანდელობის პარადოქსი
რა არის ალტერნატივა მკურნალობაში?
რა იცით ნეგლერიაზზე?
გოგრა - ჯანსაღი კვების კარგი მაგალითი
და კიდევ მეტი იხილეთ ბლოგის არქივში

5 საინტერესო ფაქტი თქვენში მცხოვრებ ბაქტერიებზე

ცხოველები და მათ შორის ადამიანი მრავალი, მათ შორის ყველაზე განსხვავებული მიკროორგანიზმების და ბაქტერიების თავშესაფარია. ამ ნამცეცა არსებებიდან ზოგი გარკვეულ ფუნქციებს განაპირობებს, მაგალითად, მონელებას, ხოლო ზოგი შესაძლოა სასიკვდილოდ საშიში დაავადების მიზეზი გახდეს.

ნიუ-იორკის უნივერსიტეტის მედიცინის სკოლის მიკრობილოგი მარტინ ბლეიზერი განსაზღვრავს მცნებას "მიკრობიომი", როგორც "ადამიანის სხეულში მცხოვრები მიკროორგანიზმების ერთიანობას, რომლებიც ურთიერთქმედებენ ერთმანეთთან". ადამიანის სხეულის ზოგიერთი ბინადარი, რომელთა რიცხვში ბაქტერიები, სოკოები და სხვადასხვა ერთუჯრედიანი უმარტივესი ორგანიზმია, საკვირველ თვისებებს ავლენენ. აი  ჩვენ შიგნით ცხოვრების 5 ფაქტი.

1. ორგანიზმში არსებული მიკრობების და ბაქტერიების რიცხვი აღემატება ადამიანის უჯრედების რიცხვს.

ადამიანის ორგანიზმი სავსეა მიკრობებით: ზოგიერთი მონაცემის მიხედვით, ჩვენს შიგნით ბაქტერიების უჯრედების რაოდენობა 10-ჯერ აღემატება სხეულის უჯრედების რაოდენობას. როგორც მარტინ ბლეიზერმა "Live Science"-ისთვის მიცემულ ინტერვიუში განაცხადა: "რა თქმა უნდა, არავინ დაიწყებს იმის თვლას, რამდენი ბაქტერია ბინადრობს ადამიანის სხეულში, ზუსტ რიცხვს არ აქვს მნიშვნელობა, მაგრამ ერთი ცხადია -  ბაქტერიების რაოდენობა გაცილებით მეტია, ვიდრე იმ უჯრედებისა, რომლისგანაც ჩვენ შევდგებით".

ჩვენი "შინაგანი სამყაროს" ბაქტერიების განვითარება დაიწყო ადამიანის ევოლუციასთან ერთად და  დღესაც გრძელდება. მოსალოდნელია, რომ 2013 წელს დასრულდება ადამიანის მიკრობიომის კატალოგიზაციის და კლასიფიკაციის 5-წლიანი პროექტი - მასზე  ასეულობით მეცნიერი მუშაობდა მთელ მსოფლიოში.

2. ადამიანები ბაქტერიების გარეშე იბადებიან.

ცოდნამ, თუ რა მნიშვნელოვან როლს თამაშობენ მიკროორგანიზმები ცხოველქმედებაში, შესაძლოა გვაფიქრებინოს, რომ ბაქტერიები ადამიანთან ერთად ჩნდებიან. მაგრამ, როგორც ირკვევა, ეს ასე არ არის: ბლეიზერის მიხედვით, ადამიანები ბაქტერიების გარეშე იბადებიან და  ცხოვრების პირველ წლებში იღებენ მათ. ჩვილი ბაქტერიების პირველ "პორციას" ღებულობს სამშობიარო გზებში გავლისას, თუკი ბავშვი საკეისრო კვეთით არის გაჩენილი, იგი არ იღებს მიკროორგანიზმების ამ წილს, რის გამოც მას რამოდენიმე სახის ალერგიის და სიმსუქნის განვითარების რისკი ეზრდება.
ბავშვის მიკრობიომის დიდი ნაწილი სამი წლისთვის ყალიბდება - ეს ორგანიზმის ყველა სისტემის ინტენსიური განვითარების პერიოდია.

3. ერთ ბაქტერიას შეუძლია როგორც სარგებლის, ისე ზიანის მოტანა.

ზოგ მიკრობს შეუძლია გამოიწვიოს დაავადება, ზოგს კი მათგან დაცვა შეუძლია, ზოგჯერ კი ერთი და იგივე ბაქტერიას შეუძლია ზიანიც მოიტანოს და დადებითი ზემოქმედებაც მოახდინოს. მაგალითად, Helicobacter Pylori - როდესღაც ეს ბაქტერიები ფართოდ იყვნენ გავრცელებულნი, ისინი პრაქტიკულად ყველა ადამიანში ბინადრობდნენ, მაგრამ ეხლა ისინი მხოლოდ კაცობრიობის ნახევარს აქვს. ამ ბაქტერიების უმეტესობას თავისი "პატრონებისთვის" არავითარი უსიამოვნება არ მოაქვთ, მაგრამ ზოგიერთ შემთხვევაში შესაძლოა ხელი შეუწყონ მომნელებელ ტრაქტში მტკივნეული წყლულების წარმოქმნას (2005 წელს მარშალ ბარი-მ  ნობელის პრემია მიიღო გასტრიტის და კუჭის და თორმეტგოჯა ნაწლავის წყლულის წარმოქმნაში Helicobacter Pilori-ის ზემოქმედების შესწავლისთვის).

ბაქტერიის ნეგატიური ზემოქმედების დათრგუნვა შესაძლებელია ანტიბიოტიკების გამოყენებით, მაგრამ ბლეიზერმა და მისმა კოლეგებმა აღმოჩინეს, რომ ამ მიკროორგანიზმის არარსებობამ შესაძლოა რეფლუქს-ეზოფაგიტი (ლორწოვანი გარსის დაზიანება) და საყლაპავის კიბოც კი გამოიწვიოს.
ასე რომ ზოგი ბაქტერია შესაძლებელია სასარგებლოც იყოს და ასევე სასიკვდილოდ საშიშიც.

4. ანტიბიოტიკებით მკურნალობამ შესაძლოა ასთმის და სიმსუქნის პროვოცირება მოახდინოს.

1928 წელს ალექსანდრე ფლემინგმა პენიცილინი აღმოაჩინა და ეს იყო გრანდიოზული გარღვევა მედიცინაში. მთელ მსოფლიოში ანტიბიოტიკები ფართოდ გამოიყენება სხვადასხვბა დაავადებებთან საბრძოლველად, მაგრამ ბოლო კვლევებმა აჩვენა, რომ ანტიბიოტიკების გამოყენება იწვევს ასთმის, ნაწლავების ანთებითი დაავადებების და სიმსუქნის განვითარების რისკის მატებას.

ამას გარდა, მიკრობებმა ისწავლეს ანტიბიოტიკებთან შეგუება: მაგალითად, მეტიცილინ-რეზისტენტულ სტაფილოკოკს შეუძლია გამოიწვიოს პნევმონიის და სეფსისის მსგავსი მძიმე დაავადებები.
რა თქმა უნდა, არის შემთხვევები, როდესაც ანტიბიოტიკებით მკურნალობა აუცილებელია, მაგრამ, როგორც მარტინ ბლეიზერმა განაცხადა, ხანდახან ღირს მათგან თავშეკავება: მაგალითად, ზოგიერთი ბავშვთა ყურის და ყელის ინფექციური დაავადებისას.

5. პრობიოტიკები არც ისე კარგია, როგორც ჰგონიათ.

ბოლო დროს მთელ მსოფლიოში აღინიშნება პრობიოტიკებით (მიკროორგანიზმების შემცველი) დანამატებით მასობრივი გატაცება: ბევრი მათ ანტიბიოტიკების კურსის შემდეგ ღებულობს იმ იმედად, რომ ეს ჯანმრთელობას დაუბრუნებს. რამდენად გამართლებულია მათი გამოყენება?

"ანტიბიოტიკების შემდგომი მიკროფლორის აღდგენის კონცეფცია თავად კარგია, - თვლის ბლეიზერი. - მაგრამ გულუბრყვილოა ჩავთვალოთ, რომ პრობიოტიკების მიღებით, რომლების შეიცავენ ერთ ან რამოდენიმე სახის მიკროორგანიზმს, შესაძლებელია შთამბეჭდავი შედეგების მიღება - ჩვენ ორგანიზმში ათასობით სახეობაა!"

მეცნიერი თვლის, რომ პრობიოტიკებით მოვაჭრეები აჭარბებენ ამ პრეპარატების დადებით ეფექტს. "შესაძლოა მომავალში ჩვენთან გაჩნდება პრობიოტიკები, რომელთაც შესწევთ უნარი დაამარცხონ დაავადებები, მაგრამ მანამდე ჯერ კიდევ შორია - ეს სფერო ჯერ ძალიან ახალგაზრდაა", - ასკვნის მიკრობიოლოგი.

გამოყენებული მასალა: http://www.factroom.ru/facts/38011

იყავი გონიერი პაციენტი! გისურვებთ ჯანმრთელობას!

ასევე ნახეთ:

ბედნიერი ქალის 5 ყოველდღიური რჩევა

არტერიული ჰიპერტენზია
ხალხური რეცეპტები
ეშველება რამე ხვრინვას?

ბრონქიალური ასთმა - კომპლექსური მიდგომა
კაცუძო ნიშის ჯანმრთელობის ექვსი ოქროს წესი
წყლის მინერალიზაცია
უშვილობის პრობლემა - მკურნალობის სისწორის ასახვაა
წყლის სიხისტე და ჯანმრთელობა
რომელი მარილი უნდა მივიღოთ?
მე, გარემო და ჯანმრთელობა
ოტიტი ანტიბიოტიკებს არ საჭიროებს!
დააკვირდით სითხეების და პროდუქტების თვისებებს
აუტიზმის აღმოცენების ვერსიები
ვაქცინების სახეობები
ვაქცინების შოკისმომგვრელი შიგთავსი
სითხეების თვისებები ჩვენი ჯანმრთელობისთვის
არ მიიღოთ! 3. პროზაკი
არ მიიღოთ! 2
არ მიიღოთ!
აცრები
როგორი პაციენტი ხართ?
გსურთ დაამარცხოთ ალერგია?
დღევანდელობის პარადოქსი
რა არის ალტერნატივა მკურნალობაში?
რა იცით ნეგლერიაზზე?
გოგრა - ჯანსაღი კვების კარგი მაგალითი
და კიდევ მეტი ამ ბლოგზე