ოხ ეს დიეტები...

 უკვე დიდი ხანია  მინდა დიეტებზე დავწერო... ამ თემაზე ბევრჯერ დაუწერიათ, უთქვამთ, მაგრამ ადამიანს ეტყობა სხვადასხვა კუთხით უნდა მიაწოდო ინფორმაცია, რომ გარკვეული აზრი ჩამოუყალიბდეს.

ხშირად ნახავ ინტერნეტში რაღაც ახალ დიეტას, რომელმაც ამა თუ იმ ვარსკვლავს  კილოგრამები დააკარგვინა და მერე ზოგი მეტი, ხოლო მეორენი ნაკლები მონდომებით შეუდგებიან ამ ექსპერიმენტის საკუთარ თავზე გამოცდას.

მინდა ერთი ასეთი რამ გითხრათ: სამწუხაროდ ყოველი ჩვენთაგანი დიეტაზე იმყოფება, უფრო სწორად დიეტაზე ამყოფებს თავის ორგანიზმს, თუმცა ეს ის დიეტაა, რომელიც სიმსუქნეს იწვევს.

მე ხშირად ორგანიზმს ერთ დიდ ქიმიურ ქარხანას ვადარებ, რაც შემთხვევითი არ გახლავთ, რადგანაც ჩვენი საკვები და სასმელი - ის მასალაა, რომელიც ამ ქარხანას ამუშავებს. ჩვენ ორგანიზმში, მის ყოველ უჯრედში მრავალი რეაქცია ხორციელდება, რომელშიც, რასაკვირველია, მრავალი ნივთიერება მონაწილეობს. ამრიგად, იმისთვის, რომ ქარხანამ ოპტიმალურად იმუშაოს საჭიროა, რომ მასალა სრულფასოვნად მიეწოდებოდეს. თუ პარალელს გავაგრძელებთ, მაშინ გამოდის, რომ მასალა - ანუ ჩვენ მიერ მიწოდებული საკვები და სასმელი უნდა შეიცავდეს ყველაფერს, რაც უჯრედებს თავისი რეაქციებისთვის სჭირდებათ, რადგან ამ რეაქციების ერთობლიობა - ორგანიზმის ნივთიერებათა ცვლაა.

გადავხედოთ რა სჭირდება ჩვენს უჯრედებს:

	დასახელება	რეკომენდირებული ნორმა	მოთხოვნილება	თერაპიული დოზა	ტოქსიკურიბის ზღვარი
წყალხსნადი ვიტამინები
C	ასკორბინის მჟავა	60–80 მგ	1000 მგ	5000 მგ	200000 მგ
B1	თიამინი	2 მგ	50 მგ	500 მგ	—
B2	რიბოფლავინი	3 მგ	50 მგ	500 მგ	—
B3	ნიაცინი	20 მგ	150 მგ	1500 მგ	—
B5	პანტოტენის მჟავა	10 მგ	100 მგ	900 მგ	—
B6	პირიდოქსინი	2 მგ	50 მგ	600 მგ	—
B12	კობალამინი	2 მკგ	100 მკფ	4 მგ	—
PP	ნიკოტინის მჟავა	10 მგ	250 მგ	500 მგ	—
ცხიმსხნადი ვიტამინები
A	რეტინოლი	5000 МЕ	10000 МЕ	100000 МЕ	500000 МЕ
—	β-კაროტინი	10000 МЕ	15000 МЕ	200000 МЕ	—
—	კაროტინოიდები	—	—	—	—
D	კალციფეროლი	100 МЕ	500 МЕ	2000 МЕ	5000 МЕ
E	α-ტოკოფეროლი	30 МЕ	400 МЕ	800 МЕ	3000 МЕ
—	ტოკოტრიენოლები	—	100 მგ	300 მგ	—
K	ფილოქინონები	100 მკგ	300 მკგ	800 მკგ	—
ვიტამინისმაგვარი ნივთიერებები
H	ბიოტინი	200 მკგ	300 მკგ	10 მგ	—
B9	ფოლიუმის მჟავა	200 მკგ	1000 მკგ	1500 მკგ	—
—	ლიპოიდური მჟავა	—	—	450 მგ	—
Q10	კოენზიმ Q10	—	—	100 მგ	—
—	ბიოფლავონოიდები	20–50 მგ	500 მგ	3000 მგ	—
—	პაბმ	50 მგ	200 მგ	1500 მგ	—
—	ინოზიტი	500 მგ	1000 მგ	3000 მგ	—
მინერალები
B	ბორი	2–5 მგ	2–5მგг	10მგг	150 მგ/ლ
Br	ბრომი	0,8 მგ	—	—	—
Vn	ვანადიუმი	20–30 მკგ	20–30 მკგ	100 მგ	—
Ge	გერმანიუმი	—	—	75 მგ	—
Fe	რკინა	10–20 მგ	10–20 მგ	100 მგ	100 მგ
J	იოდი	150–200 მკგ	150–200 მკგ	500 მკგ	—
Ka	კალიუმი	1–2 გ	1–2 გ	3 გ	7000 მგ
Ca	კალციუმი	800–1200 მგ	800–1200 მგ	1500 მგ	—
Si	კრემნიუმი	20–30 მგ	20–30 მგ	—	—
Mg	მაგნიუმი	300–400 მგ	300–400 მგ	1200 მგ	30000 მგ
Mn	მანგანუმი	2–5 მგ	5–10 მგ	20 მგ	—
Cu	სპილენძი	1–2 მგ	1–2 მგ	3 მგ	—
Md	მოლიბდენი	50–100 მკგ	200 მკგ	1000 მკგ	—
Na	ნატრიუმი	4–5 გ	4–5 გ	—	15 გ
Se	სელენი	50–70 მკგ	100 მკგ	400 მკგ	1000 მკგ
S	გოგირდი	500–1000 მგ	500–1000 მგ	3000 მგ	—
P	ფოსფორი	400–1200 მგ	2000 მგ	—	—
F	ფტორი	2–4 მგ	2–4 მგ	—	—
Cl	ქლორი	4–5 გ	4–5 გ	—	15 გ
Cr	ქრომი	50 მკგ	200 მკგ	1000 მკგ	—
Zn	თუთია	10 — 20 მგ	10 — 20 მგ	100 მგ	—
ცხიმები
L	ლეციტინი	3 გ	3 გ	15 გ	არა
Q3	დჰმ და ეპმ	1 გ	1 გ	5 გ	არა
Q6	γ-ლინოლენის მჟავა	1 გ	1 გ	5 გ	არა
—	ფოსფატიდინ-სერინი	—	—	400 მგ	—

მართალია ტაბულას ვერ დავიმახსოვრებთ, მაგრამ იმის წარმოდგენას მაინც შევიქმნით, თუ რამდენი განსხვავებული ნივთიერებაა საჭირო ორგანიზმში ცვლის პროცესების ოპტიმალურად წარმართვისთვის და დავრწმუნდეთ იმაში, რომ ამ ნივთიერებების დიდი უმრავლესობა ჩვენ ორგანიზმში ვერ ხვდება.

რა მოსდის ამ შემთხვევაში ქიმიურ ქარხანას? ჩვეულებრივი ქიმიური ქარხანა მყისიერად ჩერდება, რადგან მასალის დანაკლისი ვერ აძლევს საშუალებას შექმნას სრულფასოვანი პროდუქტი. ხოლო რა ხდება ჩვენი ორგანიზმის რთულ სისტემაში: ის ცდილობს ერთი ნივთიერება მეორეთი ჩაანაცვლოს, გამოიყენოს კომპენსაციის მექანიზმები, რადგან ჩვენი ორგანიზმი თვითგადარჩენის რეჟიმში ფუნქციონირებს.

 ზოგ შემთხვევაში ეს წარმატებით ხორციელდება, მაგრამ ჩვენ რეალურად საქმე გვაქვს ხანგრძლივი ხასიათის დეფიციტურ მდგომარეობასთან, როდესაც ორგანიზმში არსებული მარაგები დიდი ხანია ამოწურულია. ასეთი მუდმივი დეფიციტის პირობებში ხდება ორგანიზმში ნივთიერებათა ცვლის მრავალი რეაქციის მიმდინარეობის დარღვევა. კონკრეტულად ის, თუ რომელი რეაქცია ირღვევა, განსაზღვრავს რა სახის დარღვევები წარმოჩინდება. ხშირია მრავალკომპონენტიანი დეფიციტი, ამიტომ დარღვევებიც მრავალი მიმართულებით მიმდინარეობს, მაგრამ მათ შორის ყველაზე ხშირი და თვალშისაცემი სიმსუქნეა.

თავს არ მოგაწყენთ სიმსუქნის მექანიზმებზე საუბრით, უბრალოდ ლოგიკურად იმსჯელეთ - აწვდით თუ არა თქვენ ორგანიზმს ნივთიერებების ამ მრავალფეროვნებას შესაბამისი დოზებით? თუ თქვენი პასუხი უარყოფითია, მაშინ გასაკვირი არ არის თქვენს ორგანიზმში ნივთიერებების დარღვევების არსებობა, სიმსუქნე იქნება ეს თუ რაიმე სხვა.

თუ ეს მიდგომა თქვენთვის გასაგებია, მაშინ ისიც გასაგები იქნება, რომ ასეთი დეფიციტების პირობებში კიდევ გარკვეული ნივთიერებების ხელოვნური დეფიციტის შექმნა - ეს ის გამოსავალი არ არის, რომელიც სერიოზულ შედეგს მოიტანს. დეფიციტს დეფიციტი დაემატება, რაც მდგომარეობას კიდევ უფრო დაამძიმებს. თუკი დიეტის დროს წონის კლების ფაქტები დაფიქსირდება, შემდგომში ორგანიზმის წონა მაინც  ძველ მდგომარეობას დაუბრუნდება და კიდევ ბევრი პრობლემა იჩენს თავს. ეს იმის გამო ხდება, რომ დიეტა ვერ ახდენს ორგანიზმის პრობლემების დაბალანსებას, მხოლოდ გარკვეული დროით მოქმედებს ნივთიერებათა ცვლაზე.

დღეს ადამიანების უმეტესობის ყველაზე ხშირ საკვებს ცომეული წარმოადგენს, რომელშიც ძირითადად ნახშირწყლებია. მართალია, ხორბალი საკვებად ერთ-ერთი სასარგებლო მცენარეა, მაგრამ დაფქვისას ის ბევრ სასარგებლო ნივთიერებას კარგავს და შედეგად გამოფიტულ პროდუქტებს ვღებულობთ.

სამწუხაროდ საკვებმა დაკარგა ორგანიზმის საჭირო ნივთიერებებით მომარაგების ფუნქცია და რაღაც ბუტაფორიად გადაიქცა. ამის მიზეზი მრავალია: გამოფიტული ნიადაგი, სადაც  მინერალების რაოდენობა შემცირებულია, ხოლო დამუშავებული პროდუქტი შეიცავს ბევრ ხელოვნურ, ორგანიზმისთვის ზიანის მომტან ნივთიერებებს, როგორიცაა შაქრის შემცვლელები, საღებავები, ანტიბიოტიკები, ჰორმონები, შემავსებლები და ბევრი სხვა. ამიტომ საკვები ერთ-ერთი სერიოზული ასპექტია ორგანიზმში არსებული დეფიციტების შექმნაში, რადგან ის ხელოვნური ნივთიერებები, რომლებიც ორგანიზმში ხვდება, კიდევ უფრო ზრდიან ორგანიზმის ხარჯს, რადგან მათი ნეიტრალიზებისთვის დამატებით გარკვეული რეაქციების განხორციელება უხდება. ასევე დიდი მნიშვნელობა აქვს კვების რეჟიმს, პროდუქტების თავსებადობას და სხვა, რასაც ნაკლებ ყურადღებას ვაქცევთ. ეს ძალიან მნიშვნელოვანია, რადგან მთავარი კი არის, რომ საკვები მრავალფეროვანი იყოს, მაგრამ უფრო მნიშვნელოვანი ამ ნივთიერებების შეთვისებაა, რისთვისაც აუცილებელია გარკვეული წესების დაცვა საკვების მიღების დროს.

ამრიგად,  საკვები უმეტეს შემთხვევაში ვერ ასრულებს თავის ძირითად დანიშნულებას - ორგანიზმის ნივთიერებათა ცვლისთვის აუცილებელი ნივთიერებებით სრულფასოვან მომარაგებას.

ასე რომ ორგანიზმისთვის მოთხოვნების საკმარისი მრავალფეროვნებაც, ისევე, როგორც რაოდენობის დაკმაყოფილება ვერ ხერხდება, პირიქით, ხდება დეფიციტების გამწვავება და ორგანიზმს ხშირად კომპენსაციის რეჟიმში მუშაობა უწევს. ასეთ პირობებში არ არის გასაკვირი არც სიმსუქნის, არს სხვა დაავადების არსებობა.

უკვე გასაგებია, რომ გამოსავალი არა რაიმე საკვების შეზღუდვაში ან მოჭარბებულად მიღებაშია, არამედ რაციონალური კვების პირობების შექმნაშია. პირველი, რაც უნდა გავაკეთოთ - გავზარდოთ ბუნებრივი პროდუქტების მიღება. ეს ნაბიჯი მოგეხმარებათ შეავსოთ მინერალების, ვიტამინების, ფერმენტების რაოდენობა. ძალიან მნიშვნელოვანია უმი პროდუქტების ხშირი და რეგულარული მიღება, რადგან თერმული დამუშავება ამცირებს პროდუქტებში ნივთიერებების რაოდენობას. თქვენ იცით, რომ ფერმენტების უმეტესობა 40 გრადუსზე კარგავს თავის თვისებებს, ასევე ტემპერატურა შლის ვიტამინებსაც.

რადგანაც ნიადაგი გამოფიტულია, ბუნებრივია, საჭიროა რაოდენობრივად გაიზარდოს ხილის და ბოსტნეულის მიღება. ეს სირთულეს არ წარმოადგენს, როდესაც ჩვენ გამოვიყენებთ მათი გაწურვის საშუალებას, ამიტომ ახლადგამოწურული წვენები - ერთ-ერთი მნიშვნელოვანი ატრიბუტია ასეთი პრობლემის გადასაწყვეტად. წვენებში გაცილებით მეტი ნივთიერებების კონცენტრირება ხდება, ვიდრე ეს ცალკეულ პროდუქტშია, ფიზიკურად იმდენი ხილის და ბოსტნეულის ჭამას ადამიანი ვერ მოახერხებს, როგორც ეს მათი გამოწურვისას მიღებული წვენით ხდება. დღეში შეიძლება რამოდენიმეჯერ მიირთვათ ასეთი წვენები და თქვენი ორგანიზმი უზრუნველყოფილი იქნება საჭირო საკვები ნივთიერებების უმეტესობით.

განსაკუთრებით სასარგებლოა მწვანე წვენები, რომელიც შეგიძლიათ მწვანილის, ისპანახის, კიტრის და სხვა პროდუქტისგან გამოწუროთ. ასევე შეგიძლიათ ნახოთ ეს სტატიები და შეარჩიოთ თქვენთვის სასურველი რეცეპტი, იხ. ჩემი ორი სტატია მწვანე წვენებზე.

ყოველივე ზემოთ თქმულს მინდა კიდევ დავამატო სწორი კვების უმნიშვნელოვანესი ატრიბუტი, რის გარეშე წარმოუდგენელია წარმატების მიღწევა ნივთიერებათა ცვლის მოწესრიგების საკითხში. ჩემთვის არახალია სითხის მიღების თემა, მაგრამ სითხეები, განსაკუთრებით კი წყალი, არის ის გარემო, რომელშიც ვითარდება ჩვენი ორგანიზმის ყველა რეაქცია. მისი ნაკლებობა აფერხებს ამ რეაქციების წარმართვას, ხოლო მხოლოდ წყლის საკმარისად მიღებაც კი ნივთიერებათა ცვლაზე სასიკეთოდ მოქმედებს.

ასევე არ დაივიწყოთ რეგულარული ფიზიკური დატვირთვები, რაც აწესრიგებს სისხლის მიმოქცევას, აჩქარებს ორგანიზმის რეაქციებს, ამაგრებს ძვლებს და კარგ განწყობაზე მოყავს ადამიანი. რეგულარული, თუნდაც მსუბუქი ვარჯიშები დიდ სიკეთეს მოუტანს ორგანიზმის ნივთიერებათა ცვლას და მთლიანად ორგანიზმს.

ამიტომ, ვისაც ჭარბი წონა გაწუხებთ და დაიბენით დიეტების ამორჩევისას, გირჩევთ, დაანებეთ თავი ისედაც დაძაბულ რეჟიმში მომუშავე ორგანიზმისთვის დამატებითი სირთულეების შექმნას, მითუმეტეს, ხანდახან ეს სირთულეები შესაძლოა უმძიმესი გართულებებით დაგვირგვინდეს. რაციონალურად იკვებეთ, მიაწოდეთ ორგანიზმს მისთვის აუცილებელი რესურსები და სითხეები, ივარჯიშეთ, გააკეთეთ ეს ყოველდღე, რეგულარულად და შედეგებიც არ დააყოვნებს, რადგანაც ორგანიზმი თავად მოაგვარებს მასში არსებულ პრობლემებს, მხოლოდ ხელი შეუწყეთ მას.

იყავი გონიერი პაციენტი! გისურვებთ ჯანმრთელობას!

ასევე ნახეთ:
5 საინტერესო ფაქტი თქვენში მცხოვრებ ბაქტერიებზე
მწვანე წვენების 10 არაჩვეულებრივი რეცეპტი. 1
მწვანე წვენების 10 არაჩვეულებრივი რეცეპტი. 2
ჰოლისტური მედიცინა
ფტორი, წყალი და კბილის პასტა 
სასიამოვნო და სასარგებლო ერთად. ლაშქრობის სამედიცინო ასპექტები.

ბედნიერი ქალის 5 ყოველდღიური რჩევა

არტერიული ჰიპერტენზია
ხალხური რეცეპტები
ეშველება რამე ხვრინვას?

ბრონქიალური ასთმა - კომპლექსური მიდგომა
კაცუძო ნიშის ჯანმრთელობის ექვსი ოქროს წესი
წყლის მინერალიზაცია
უშვილობის პრობლემა - მკურნალობის სისწორის ასახვაა
წყლის სიხისტე და ჯანმრთელობა
რომელი მარილი უნდა მივიღოთ?
მე, გარემო და ჯანმრთელობა
ჯანსაღი კვება - სტერეოტიპების რღვევაა!
ოტიტი ანტიბიოტიკებს არ საჭიროებს!
დააკვირდით სითხეების და პროდუქტების თვისებებს
აუტიზმის აღმოცენების ვერსიები
ვაქცინების სახეობები
ვაქცინების შოკისმომგვრელი შიგთავსი
სითხეების თვისებები ჩვენი ჯანმრთელობისთვის
არ მიიღოთ! 3. პროზაკი
არ მიიღოთ! 2
არ მიიღოთ!
აცრები
როგორი პაციენტი ხართ?
გსურთ დაამარცხოთ ალერგია?
დღევანდელობის პარადოქსი
რა არის ალტერნატივა მკურნალობაში?
რა იცით ნეგლერიაზზე?
გოგრა - ჯანსაღი კვების კარგი მაგალითი
და კიდევ მეტი იხილეთ ბლოგის არქივში