როგორ ტოვებს სული ადამიანის სხეულს ბიოლოგიური სიკვდილის დროს

თარგმანი რუსული საინფორმაციო ინტერნეტ-საიტიდან 

http://www.russianw.com/articles/article.php?ID=403

კამერამ დააფიქსირა, თუ როგორ ტოვებს სიცოცხლე სხეულს ბიოლოგიური სიკვდილის მომენტში.

უნიკალურმა კვლევამ დაადასტურა ძველი თქმულება, რომ უეცრად მოკლული ან მაგალითად, კატასტროფაში გარდაცვლილი ადამიანის სხეულს, სული დიდხანს ვერ შორდება. იგი მუდმივად ბრუნდება, განსაკუთრებით ღამით.

გასაკვირი არ არის, რომ ამბები მოჩვენებებზე ძველი დროიდან არსებობენ. ყველაზე ხშირად ისტორიებში აღწერილია უცოდველი მოკლულების ან სიკვდილმისჯილი ბოროტმოქმედების მოჩვენებები.

პროფესორმა, ტექნიკურ მეცნიერებათა დოქტორმა კონსტანტინე კოროტკოვმა შექმნა აპარატი, რომელიც აფიქსირებს აურას.

აპარატი ასკანირებს სხეულს, ხოლო ეკრანზე ჩნდება მისი აურის ფოტო.

- ლურჯი ფერი არის ცოცხალი ჯანმრთელი უბნები, ხოლო უფრო თბილი ფერები, წითელის ჩათვლით - მკვდარი, უმოქმედო ნაწილი.

სურათი აჩვენებს როგორ გადის სული სხეულიდან, ლურჯი ფერი იცვლება თბილი ფერებით (მარცხნიდან მარჯვნივ - სიკვდილამდე, სიკვდილის მომენტში და სიკვდილიდან 3 საათის შემდეგ).

კვლევებიდან ჩანს, რომ სასიცოცხლო ძალა (სული) პირველად მუცლის არეს ტოვებს, შემდეგ კი თავის არეს. ახლადგარდაცვლილი ადამიანის სურათზე ჩანს, რომ აურა ნარჩუნდება საზარდულის და გულის არეში. ხომ ხშირად ხდება, რომ ადამიანის რეანიმირებას ახდენენ დენის მეშვეობით გულის ამუშავებით. რეანიმირება ხდება 5 წუთის მანძილზე, ზოგი მართლაც ცოცხლდება.

-თითქოს ავადმყოფი ან ვიღაც მაღლიდან ფიქრობს - მოკვდეს თუ არა, - ყვება გამოცდილი ქირურგი. - ხანდახან ჩვენ ვხვდებით, რომ ჩვენ კი არ ვაცოცხლებთ პაციენტს, ჩვენ უბრალოდ ჩვენ საქმეს ვაკეთებთ, ხოლო გადაწყვეტილება  სადღაც მაღლა მიიღება.

სამი საათის შემდეგ რჩება მხოლოდ საზარდული, სადაც კიდევ რაღაც გვახსენებს, რომ სხეული ცოცხალი იყო. მალე სურათებზე მხოლოდ გარდაცვლილის წითელი სილუეტი რჩება - სულმა  სხეული დატოვა.

ცნობილია, რომ გარდაცვლილის სხეული 21 გრამით მსუბუქდება, მაგრამ სურათებმა აჩვენა, რომ ადამიანის აურა აფიქსირებს სიკვდილის გარემოებებს. ბუნებრივი, წყნარი სიკვდილის შემთხვევაში აურა აქტივობას   ნელ-ნელა კარგავს, სხეული თანაბრად ასხივებს, თუკი ადამიანი გარდაიცვალა უეცრად ან ძალადობრივად, მისი აურა რამოდენიმე დღე-ღამის განმავლობაში "მოუსვენრობას" გამოხატავს და განსაკუთრებით მკვეთრია ღამით.

კონსტანტინე კოროტკოვის დასკვნით, ადამიანის სული სიკვდილი შემდეგ იქცევა ისე, როგორც ამას ძველი დროიდან აღწერს რელიგია. იგი ან წყნარდება და მიფრინავს, ტოვებს თავის ფიზიკურ საცხოვრებელს, ან დროებით რჩება სხეულთან დაკავშირებული, თითქოს მიბმული. მან ჯერ ვერ დახარჯა თავისი ენერგეტიკული რესურსი.

მეცნიერთა კვლევა ამტკიცებს, რომ ადამიანის სხეული - ბიოლოგიური მასაა, რომელიც ცოცხლდება სასიცოცხლო ძალით, რომელიც ავსებს მას სიცოცხლის პერიოდში. როგორც კი ადამიანი კვდება, სიცოცხლის მუხტი - სული - გაუჩინარდება.

აპარატის შემუშავების პროცესში იგი გამოიყენეს ექსტრასენსებზე...და წააწყდნენ საშინელ წინააღმდეგობას, კამერამ გამოკვეთა თაღლითები.

ნამდვილი ექსტრასენსის აურა ძალიან ძლიერია - ამბობს კოროტკოვი. ამიტომ ვისაც შევთავაზეთ ჩვენს მოწყობილობაზე შემოწმება, ყველა მათგანმა უარი გვითხრა.

იყავი გონიერი პაციენტი! გისურვებთ ჯანმრთელობას!

ასევე ნახეთ:
5 საინტერესო ფაქტი თქვენში მცხოვრებ ბაქტერიებზე
ფტორი, წყალი და კბილის პასტა
ჰოლისტური მედიცინა

ბედნიერი ქალის 5 ყოველდღიური რჩევა

არტერიული ჰიპერტენზია
ხალხური რეცეპტები
ეშველება რამე ხვრინვას?

ბრონქიალური ასთმა - კომპლექსური მიდგომა
კაცუძო ნიშის ჯანმრთელობის ექვსი ოქროს წესი
წყლის მინერალიზაცია
უშვილობის პრობლემა - მკურნალობის სისწორის ასახვაა
წყლის სიხისტე და ჯანმრთელობა
რომელი მარილი უნდა მივიღოთ?
მე, გარემო და ჯანმრთელობა
ოტიტი ანტიბიოტიკებს არ საჭიროებს!
დააკვირდით სითხეების და პროდუქტების თვისებებს
აუტიზმის აღმოცენების ვერსიები
ვაქცინების სახეობები
ვაქცინების შოკისმომგვრელი შიგთავსი
სითხეების თვისებები ჩვენი ჯანმრთელობისთვის
არ მიიღოთ! 3. პროზაკი
არ მიიღოთ! 2
არ მიიღოთ!
აცრები
როგორი პაციენტი ხართ?
გსურთ დაამარცხოთ ალერგია?
დღევანდელობის პარადოქსი
რა არის ალტერნატივა მკურნალობაში?
რა იცით ნეგლერიაზზე?
გოგრა - ჯანსაღი კვების კარგი მაგალითი
და კიდევ მეტი იხილეთ ბლოგის არქივში

ჯანსაღი კვება - სტერეოტიპების რღვევაა.

ბევრი ლაპარაკი არ სჭირდება იმას, რომ ჯანსაღი კვება აუცილებელია როგორც ჯანმრთელობის შესანარჩუნებლად, ისე ორგანიზმის გასაჯანსაღებლად.

ჩემთვის, როგორც ექიმისთვის გასაგებია, რომ ბევრ ადამიანს  აქვს დაძაბული ცხოვრების ტემპი და ამ ტემპში ვერანაირად ვერ ატევს ჯანმრთელობისთვის აუცილებელ გარკვეული წესებს. მითუმეტეს, თუ ვერ აცნობიერებს ამ წესების მნიშვნელობას მისი ჯანმრთელობისთვის.

მართალია ჩვენ პარადოქსების ეპოქაში ვცხოვრობთ, მაგრამ კარგად უნდა გავიაზროთ, რომ თავად ვართ საკუთარი ჯანმრთელობის შემომქმედნი და უმჯობესია ყველაფერი, რასაც მივიღებთ იყოს ჯანმრთელობისთვის სასარგებლო, რადგან ირგვლივ თითქმის ყველაფერი არც ისე ჯანსაღია.

პირდაპირ ვთქვათ, იმისათვის, რომ ვიყოთ ჯანმრთელები აუცილებელია სადღეისოდ არსებული სტერეოტიპების რღვევა, კერძოდ კი კვებასთან დაკავშირებული სტერეოტიპების. რა მაქვს მხედველობაში. აქ გამოკვეთილია ორი ძირითადი სტერეოტიპის მუშაობა: 1 - დაკავშირებული ოჯახურ ტრადიციებთან კვებაში, 2 - კვების ხარისხობრივი პრინციპების სრული იგნორირება და მხოლოდ რაოდენობრივ პრინციპზე ზრუნვა .
დიახ, ჩვენ უპირატესობას ვანიჭებთ იმ საკვებს, რომელიც ტრადიციულად მზადდებოდა ჩვენს ოჯახებში და არ ვითვალისწინებთ იმას, თუ რა მიიღო ორგანიზმმა ამის შედეგად. აქ არ ვახდენ ოჯახის კვების ტრადიციების დაკნინებას, უბრალოდ მისი კვებითი სარგებლის მომენტზე ვამახვილებ ყურადღებას.

ჯანსაღი კვების ძირითადი პოსტულატი არის ორგანიზმის უჯრედების საჭირო მასალით მომარაგება. ეს არის მიზანი, რომელიც ხშირად მიუღწეველი რჩება, მიუხედავად საკვების მიღების შემდეგ კუჭის სისავსის შეგრძნებისა. აბა გაიხსენეთ, როდის გიფიქრიათ საჭმელის შემხედვარე, რომ ეხლა თქვენი ორგანიზმი ამა თუ იმ ვიტამინს ან მინერალს მიიღებდა? ან რომელი გამორჩა?

ზუსტად რომ ჩვენი გემოვნებითი უპირატესობა მიმართულია იმ საკვებისკენ, რომელიც არაფერს აძლევს ჩვენ ორგანიზმს, ხოლო ის საკვები, რომელიც მართლაც საჭიროა რჩება ჩვენი გემოვნებითი პრიორიტეტების მიღმა, თანაც ეს საგვარეულოდან საგვარეულოს გადაეცემა, ოჯახიდან ოჯახს და ასე მყარდება თაობიდან თაობაში. მაგალითისთვის, ვინ იტყვის უარს ცხელ-ცხელ ხაჭაპურზე უმი გახეხილი სტაფილოს ან ჭარხლის სანაცვლოდ?

 მოკლედ, პრობლემის სათავეც და პრობლემის გადაწყვეტაც ჩვენშია და თუ მოვინდომეთ და ცოტაოდენი გავერკვიეთ იმაში, თუ როგორ დავიცვათ თავი ან თუნდაც შევაჩეროთ ჩვენს ორგანიზმში მიმდინარე არასასურველი პროცესები,  ცხოვრებას გავიადვილებთ.

მაშ ასე, ჩამოგითვლით ჯანსაღი კვების რამოდენიმე პრინციპს, რომელთა შესრულება არც ისე რთულია, სამგიეროდ თქვენს ორგანიზმში ნელ-ნელა დაიწყება სასურველი ცვლილებები.

ჯანსაღი კვების მთავარი პრინციპი - ყოველდღიურ რაციონში შევიტანოთ რაც შეიძლება მეტი  ცოცხალი საკვები. 

რა არის ცოცხალი საკვები - დაუმუშავებელი, უმი პროდუქტი, როგორიცაა ხილი, ბოსტნეული, მწვანილი, მცენარეების თესლი: მზესუმზირა, მიწის თხილი, ნიგოზი, გოგრის თესლი და სხვა. ნებისმიერი თერმული დამუშავება (იგულისხმევა რა თქმა უნდა მცენარეულის) იწვევს მასში შემავალი ნივთიერებების დანაკარგს, რაც მეტია ეს ზემოქმედება, მით ნაკლებია პროდუქტის კვებითი ფასეულობა.

მხოლოდ ცოცხალი საკვების სახით იღებს ჩვენი ორგანიზმი ცილებს, მინერალებს, ვიტამინებს, ფერმენტებს. სხვა შემთხვევაში ხდება მხოლოდ კუჭ-ნაწლავის გადატვირთვა საკვებით, რომელსაც ორგანიზმი ვერ ითვისებს, ამრიგად გამოდის, რომ როდესაც ჩვენს კვებაში არ შედის ცოცხალი საკვები, მაშინ ჩვენი ორგანიზმი შიმშილობს სავსე კუჭის პირობებშიც კი.

როდესაც ორგანიზმი შიმშილობს მასში ირღვევა ბიოლოგიური პროცესების მიმდინარეობა და ვითარდება ნივთიერებათა ცვლის დარღვევები. არაფერი გახსენდებათ? პირველ რიგში ალბათ სიმსუქნეზე იფიქრეთ, არა? ძალიან ხშირად მსმენია ადამიანებისგან, რომ საერთოდ არ ვჭამ ბევრს, მაგრამ ვსუქდებიო. რას უპასუხებდით?

უპირველესად მნიშვნელობა აქვს არა მხოლოდ რაოდენობას, არამედ ხარისხს, რას ჭამ? იქნებ ვისწავლოთ საკვების შეფასება არა გემოთი, რომელიც სტანდარტულად გვაქვს ჩამოყალიბებული, არამედ შემცველობით, რომ  ვიყოთ დარწმუნებული იმაში, რომ ორგანიზმმა მიიღო ის, რაც მას სჭირდება.

რატომ მაინცდამაინც უმი? ხარშვის პროცესში იშლება ვიტამინები და ფერმენტები, ბოსტნეულიდან წყალში გადადის მინერალების უმეტესობა, ამიტომ წვენი, რომელიც რჩება მოხარშვის შემდეგ უფრო სასარგებლოა, ვიდრე ის მოხარშული ბოსტნეული, რომელსაც საჭმელად ვიყენებთ. თუ ბოსტნეულის თერმული დამუშავება გნებავთ უნდა გაითვალისწინოთ, რომ ბოსტნეული უნდა მოიხარშოს რაც შეიძლება მოკლე დროში, ხოლო მისი გამოცხობა უფრო ნაკლებდანაკარგიანია, ამრიგად კარტოფილი გამომცხვარია სასრგებლო და არა მოხარშული, იგივე ითქმის სხვა ბოსტნეულზე.

განსაკუთრებით სასარგებლოა ახლად გამოწურული წვენები: ხილის და ბოსტნეულის. ბევრმა მეცნიერმა (უოკერი, ბრეგი და სხვა) მიუძღვნა ამ თემას თავისი ნაშრომები და ყველასათვის ცნობილი ფაქტია, რომ უმი წვენების საშუალებით შესაძლებელია: ნივთიერებათა ცვლის მოწესრიგება, წონის დაკლება, ქოლესტერინის დონის შემცირება, წნევის რეგულირება, კენჭების დაშლა, იმუნიტეტის ამაღლება და ასე შემდეგ.

ეს ინფორმაცია ცნობილია, მაგრამ  ეს საკითხები მაინც რჩება სადღეისო პრობლემად. რატომ? გადაწყვეტა ხომ უკვე დიდი ხანია არსებობს.

ჩვენში ხორცი ძალიან პოპულარული საკვებია, მაგრამ ის არ არის ჯანსაღი კვების პროდუქტი. ხორცის უარყოფითი თვისებები: ორგანიზმში ქმნის მჟავე რეაქციას, კუჭ-ნაწლავში მისი ლპობის შედეგად გამოიყოფა შხამები, რომელთა ნეიტრალიზებას სჭირდება ღვიძლის სერიოზული დატვირთვა, იწვევს ასევე ნაწლავების  დატვირთვას და საკუთარი ბაქტერიებისთვის არასასურველი გარემოს შექმნას, ენერგეტიკულად უარყოფითი ბალანსი აქვს, ხოლო ცილა, რომელსაც ხორცით ვღებულობთ ძნელად ითვისება ორგანიზმის მიერ.

ხორცის გამოყენების სიხშირეს აუცილებლად უნდა მიაქციოთ ყურადღება, მაგრამ მძიმედ მიმდინარე მწვავე ან ქრონიკული დაავადებებისას აუცილებელია მისგან თავის შეკავება, ასევე ეს ეკუთვნის ხორცისშემცველ პროდუქტებს, განსაკუთრებით შებოლილს და დაკონსერვებულს.

ხორცის მიღების შემთხვევაში აუცილებლად დაიცავით ერთი წესი -  რა რაოდენობის ხორცსაც მიიღებთ 3-ჯერ მეტი ცოცხალი პროდუქტის, ძირითადად ბოსტნეულის ან მწვანილის მიღებაა საჭირო.
ხორცის მიღება, როგორც ზემოთ ავღნიშნე, იწვევს შხამების გამოყოფას, რაც ტვირთავს მომნელებელ სისტემას, განსაკუთრებით ღვიძლს, ხოლო ბოსტნეული, მწვანილი, მათში შემავალი მიკროელემენტებით, ფერმენტებით ეხმარება ამ სისტემას დატვირთვის ატანაში, ამით თქვენ თავად შეუწყობთ ხელს ამ ხორცის გადამუშავებას.

შემდეგი ასპექტი -  ხილის ან ბოსტნეულის წვენების რეგულარული მიღებაა. ხილის ან ხილის წვენების მიღება ხდება განცალკევებულად, როგორც ცალკე ულუფა, დროის ინტერვალი შემდეგ ან მანამდე მიღებულ საკვებთან უნდა შეადგენდეს არანაკლებ 2 საათს.

ეს ყველაფერი საჭიროა იმისთვის, რომ ხილის წვენის შერევამ სხვა საკვებთან არ გამოიწვიოს ლპობის პროცესის განვითარება, რასაც შემდგომში შებერილობა მოყვება.
ამიტომ არ შეიძლება ხილისა და ბოსტნეულის წვენების შერევაც! ბოსტნეულის წვენების მიღება კი ჭამამდე 20-25 წუთით ადრე შეიძლება.

სულ წვენების გამოწურვას სჭირდება 3-5 წუთი და რეგულარული მიღების შემთხვევაში თავად გაოცდებით შედეგებით. რაც შეეხება კონცენტრირებული და დაკონსერვებული წვენების მიღებას - მიუხედევად არსებული წარწერისა წვენის ნატურალურობის შესახებ მოერიდეთ ასეთი სახის წვენების მიღებას, რადგან მათში არსებული კონსერვანტები სრულიად მიუღებელს ხდით მათ ორგანიზმისთვის კვებითი სარგებლიანობის კუთხით.

ჯანსაღი კვების საკითხებზე შემდეგშიც გავაგრძელებ წერას, რადგანაც ეს თემა საკმაოდ დიდი და კარგად გასააზრებელია. ამჯერად ამით შემოვიფარგლები.

იყავი გონიერი პაციენტი! გისურვებთ ჯანმრთელობას!

ასევე ნახეთ:
5 საინტერესო ფაქტი თქვენში მცხოვრებ ბაქტერიებზე
ფტორი, წყალი და კბილის პასტა
ჰოლისტური მედიცინა

ბედნიერი ქალის 5 ყოველდღიური რჩევა

არტერიული ჰიპერტენზია
ხალხური რეცეპტები
ეშველება რამე ხვრინვას?

ბრონქიალური ასთმა - კომპლექსური მიდგომა
კაცუძო ნიშის ჯანმრთელობის ექვსი ოქროს წესი
წყლის მინერალიზაცია
უშვილობის პრობლემა - მკურნალობის სისწორის ასახვაა
წყლის სიხისტე და ჯანმრთელობა
რომელი მარილი უნდა მივიღოთ?
მე, გარემო და ჯანმრთელობა
ოტიტი ანტიბიოტიკებს არ საჭიროებს!
დააკვირდით სითხეების და პროდუქტების თვისებებს
აუტიზმის აღმოცენების ვერსიები
ვაქცინების სახეობები
ვაქცინების შოკისმომგვრელი შიგთავსი
სითხეების თვისებები ჩვენი ჯანმრთელობისთვის
არ მიიღოთ! 3. პროზაკი
არ მიიღოთ! 2
არ მიიღოთ!
აცრები
როგორი პაციენტი ხართ?
გსურთ დაამარცხოთ ალერგია?
დღევანდელობის პარადოქსი
რა არის ალტერნატივა მკურნალობაში?
რა იცით ნეგლერიაზზე?
გოგრა - ჯანსაღი კვების კარგი მაგალითი
და კიდევ მეტი იხილეთ ბლოგის არქივში

მკურნალობა როგორც ხელოვნება

როდესმე გიფიქრიათ იმაზე, რომ მკურნალობა ხელოვნებაა? სიმართლე გითხრათ მე მთლად ასე არ ვუდგებოდი ამ საკითხს, მაგრამ ჩემთვის მკურნალობა ყოველთვის გაცილებით მეტი იყო და არის, ვიდრე მხოლოდ დანიშნულების გაკეთება.

დანიშნულებით რომ დავიწყოთ, ჩემი გამოცდილებით, სულაც ერთნაირი ჩივილების მქონე (ეს ხშირად გვხვდება სამედიცინო პრაქტიკაში) პაციენტებში სუბიექტურად, გვულისხმობ ექიმის სუბიექტივიზმს, არ ხდება ხოლმე ერთი და იგივე სამკურნალო სქემის გამოყენება, და ეს, ანამნეზს რომ დავანებოთ თავი,  რაღაც ინტუიციურად ხდება. მე ვიტყოდი, რაღაც შინაგანი ძალით. ვისაც ეს განცდა არ აქვს, შეუძლია გამაკრიტიკოს, მაგრამ ამ შემთხვევაში ჩემს მოსაზრებებს ვწერ.

სიმპტომების ლოგიკური ანალიზის შემდეგ არჩევანს არა მხოლოდ ლოგიკის გამოყენებით აკეთებ. მინდა გითხრათ, რომ ამაში უდიდესი როლი პაციენტს აქვს. ჩემთვის არ არის განსხვავება პაციენტებში, როგორც ექიმისთვის ზოგადად, მაგრამ ყველა პაციენტს თავისი საკუთარი გამორჩეული შეგრძნება შემოაქვს ურთიერთობისას და ზუსტად ეს ინდივიდუალობა, რომელიც არა სიმპტომებშია, არამედ თავად პაციენტის პიროვნულ თვისებებში, ზემოქმედებას ახდენს ექიმზე და მის დანიშნულებაზე, ამ შემთხვევაში კი ჩემზე.

აქ, ბუნებრივია, არ ვგულისხმობ პაციენტის ორგანიზმისეული მახასიათებლების ინდივიდუალიზმს, რომლის შესწავლა ხდება გამოკითხვის და  გამოკვლევის მიხედვით.

ამიტომ დანიშნულება, გვინდა ეს თუ არა, ყოველთვის ერთობლივი ნამუშევარია, რომელიც გარკვეულწილად ასახავს პაციენტის ინდივიდუალობას. მითუმეტეს, თუ მკურნალობისას იყენებ სხვადასხვა სამკურნალო საშუალებებს და მეთოდებს - ეს არ წარმოადგენს სირთულეს.

 დანიშნულების შემდგომი მკურნალობის  პროცესიც შემოქმედებითი და ინდივიდუალურია, მაგრამ ეს ინდივიდუალიზმი პირდაპირ დამოკიდებულებაშია პაციენტის ხასიათის, მისი მოთმინების, მიზანდასახულობის და აქტიურობის, განკურნების სურვილთან.

 გგონიათ, რომ განკურნება ყველას უნდა? მერწმუნეთ, ესე არ არის. სიტყვიერად ძალიან ბევრი გამოხატავს ამის სურვილს.. მაგრამ, პაციენტების მხოლოდ მესამედს უნდა რეალურად, რომ გახდეს ჯანმრთელი, დანარჩენები....
როგორც ვთქვი - თქვენი აქტიური როლის გარეშე ვერ გაუმკლავდებით  ჯანმრთელობის პრობლემებს, თუნდაც ექიმი თქვენზე უფრო მონდომებული იყოს თქვენს განკურნებაში!
 ხოლო ექიმი... ექიმი ფაქიზად და ყურადღებით უნდა ქმნიდეს სამკურნალო პროცესს,  სათანადო კონტროლით და პაციენტისთვის სწორი მიმართულების მითითებით...
ექიმის შემოქმედებითობა ამ პროცესის წარმატებულად დაგვირგვინებაში უნდა გამოიხატოს, სამკურნალოდ  მრავალფეროვანი მეთოდების გამოყენებაში. საბედნიეროდ ასეთი მეთოდები სულ უფრო მეტია საქართველოშიც, მსოფლიოშიც.

გთავაზობთ გერმანელი ექიმების პეტერ ენტშურასა და იოსებ ლოკემპერის ნააზრევს მკურნალობასთან დაკავშირებით, რომელიც დაიბეჭდა წიგნში: შლაკების გამოდევნა - ჯანმრთელობის გზაა:
 Неоспоримые доказательства выдвигает, например, медицина, но не как наука, а как ИСКУССТВО. Медицина должна уподобляться искусству, так как в природе нет ни од­ного человека, похожего на другого, ни одна снежинка непохожа на другую. В медицине и соответственно в медицинском лечении человека и животного ничто не повторяется одинаково с тем же самым успехом.

Каждое живое существо, будь то растение, животное или человек, является неповторимым индивидуумом. Так будет продолжаться до тех пор, пока ученым не удастся отменить эту богоугод­ную индивидуальность и на ее месте соз­дать гомогенную, постоянно воспроизво­димую массу одинаковых растений, живот­ных и людей. Да сохранит нас от этого Бог, наш собственный здравый смысл, наша сила воли и гражданское мужество!

Зачем сегодня клонируют животных? Смысл и цель этого процесса может заключаться только в одном: создать беспро­блемное и безудержное массовое «производство» с последующим массовым «потребле­нием».  Судя по газетным сообщениям от 07 августа 1997, 44% немцев не хотят жить дольше 80 лет. Эти сообщения должны обрадовать страховщиков пенсионеров и власть имущих.

Мы рады за 18% опрошенных, которые очень хотели бы дожить до 100 лет. При этом мы предполагаем, что лишь 18% нашего населения ведут сознательный здоровый образ жизни и ожидают своего «заката», не опасаясь старческих недугов. Остальные 82% несомненно убеждены в том, что после 80 приходят болезни и страда­ния. Они, должно быть, склоняются к тому мнению, что жизнь после 80 приносит лишь физические страдания, а не радости.

Скорее всего, они ведут такой образ жизни, что, в конце концов, окажутся правы. Но на самом деле, их представление о старости как о быстром и болезнен­ном разрушении тела, а также о неизбежности этого процесса, все-таки неверно". 

მინდა ამ მშვენიერ სიტყვებს ერთი დავამატო: მკურნალობა, როგორც ვთქვი, უპირველესად დამოკიდებულია პაციენტზე, მის რწმენაზე და მონდომებაზე,  მაგრამ თავად ექიმის უპირველესი ფუნქცია არის არა დანიშნულება ან ანალიზის სწორი გაკეთება, რაც ისედაც ცხადია, არამედ მთავარია პაციენტში აღძრას განკურნების სურვილი და რწმენა.
როდესაც პაციენტი გამოსაჯანმრთელებლად მოტივირებულია - ეს ყველაზე დიდი წარმატებაა ექიმისთვის.
ასეთი იარაღით შეიარაღებული პაციენტის მკურნალობა ყოველთვის გაცილებით უფრო შედეგიანია.
ამრიგად მკურნალობის, როგორც ხელოვნების აღსაქმელად ჩვენ ალბათ მეტი დრო დაგვჭირდება, მაგრამ ვიცოდეთ, საით ვისწრაფით!

 იყავი გონიერი პაციენტი! გისურვებთ ჯანმრთელობას!

ასევე ნახეთ:
5 საინტერესო ფაქტი თქვენში მცხოვრებ ბაქტერიებზე
ფტორი, წყალი და კბილის პასტა
ჰოლისტური მედიცინა

ბედნიერი ქალის 5 ყოველდღიური რჩევა

არტერიული ჰიპერტენზია
ხალხური რეცეპტები
ეშველება რამე ხვრინვას?

ბრონქიალური ასთმა - კომპლექსური მიდგომა
კაცუძო ნიშის ჯანმრთელობის ექვსი ოქროს წესი
წყლის მინერალიზაცია
უშვილობის პრობლემა - მკურნალობის სისწორის ასახვაა
წყლის სიხისტე და ჯანმრთელობა
რომელი მარილი უნდა მივიღოთ?
მე, გარემო და ჯანმრთელობა
ოტიტი ანტიბიოტიკებს არ საჭიროებს!
დააკვირდით სითხეების და პროდუქტების თვისებებს
აუტიზმის აღმოცენების ვერსიები
ვაქცინების სახეობები
ვაქცინების შოკისმომგვრელი შიგთავსი
სითხეების თვისებები ჩვენი ჯანმრთელობისთვის
არ მიიღოთ! 3. პროზაკი
არ მიიღოთ! 2
არ მიიღოთ!
აცრები
როგორი პაციენტი ხართ?
გსურთ დაამარცხოთ ალერგია?
დღევანდელობის პარადოქსი
რა არის ალტერნატივა მკურნალობაში?
რა იცით ნეგლერიაზზე?
გოგრა - ჯანსაღი კვების კარგი მაგალითი
და კიდევ მეტი იხილეთ ბლოგის არქივში

მივმართოთ ნიშის

მას მხოლოდ 20 წლის სიცოცხლე უწინასწარმეტყველეს ექიმებმა....
ამ ასაკში ცოტამ თუ შეძლო, ის, რაც ამ ადამიანმა გააკეთა...
პროფესიით ინჟინერმა (ინჟინრებმა ძალიან დიდი როლი ითამაშეს მედიცინის განვითარებაში), მან არა მხოლოდ 75 წელი იცოცხლა, არამედ შექმნა არაჩვეულებრივი გამაჯაბსაღებელი სისტემა, რომელიც სისხლძარღვების და სისხლის მიმოქცევის მოწესრიგებაზეა აგებული.

საინტერესო გამოცდილებაა, ასეთი მაგალითი ალბათ ყველა ექიმის სამაგიდო წიგნად უნდა ქცეულიყო, არა?  :(

სამწუხაროდ მხოლოდ ის ადამიანები, ვინც იყენებდა და იყენებს ამ გამაჯანსაღებელ მეთოდიკას გახდნენ ამ სწავლების გამავრცელებლები. მე უკვე ვახსენე, რომ ყველა თავად პასუხისმგებელი უნდა გახდეს საკუთარ ჯანმრთელობაზე, ამიტომ გთავაზობთ ამ დოქტრინის ძირითად ასპექტებს, ხოლო მისი რეგულარული გამოყენება - თქვენი თავისუფალი ნების გამოხატულება ყოფილიყოს!

მაშ ასე,  მე ნაწილ-ნაწილ ვილაპარაკებ ნიშიც სწავლების სხვადასხვა ასპექტებზე, ამჯერად გთავაზობთ ამას:

კაცუძო ნიშის ჯანმრთელობის 5 კანონი:

• 1.      სისხლის მიმოქცევის გაძლიერება.
• 2.      ხერხემლის გასწორება: მაგარ ზედაპირზე წოლა, ვარჯიში.
• 3.      კონტრასტული წყლის და ჰაერის პროცედურები.
• 4.      სრულფასოვანი კვების კანონების დაცვა.
• 5.      განწყობა გაჯანსაღებაზე.

"ადამიანის ჯანმრთელობა დამოკიდებულია მისი სისხლის შემადგენლობაზე და ორგანიზმში მის თავისუფალ ცირკულაციაზე" .

"კაპილარების დაავადება - ყველა დაავადების საფუძველია". კაცუძო ნიში.

"სისხლის მთავარი მამოძრავებელი განლაგებულია კაპილარებში და არა გულში.

თავს ნებას ვაძლევ განვაცხადო - წერდა კაცუძო ნიში - სანამ თანამედროვე მედიცინა არ უარყოფს ტრადიციულ წარმოდგენებს გულზე, იგი ვერ გამოიცნობს ამ ე.წ. გულის საიდუმლოს და ვერასოდეს შეძლებს თავი დააღწიოს მძიმე დარტყმებს, რომელსაც ადამიანს აყენებენ სულ-სისხლძარღვთა დაავადებები".

 "იდეალური პოზის შესანარჩუნებლად და ხერხემალში დარღვევების გამოსასწორებლად არ არსებობს უკეთესი საშუალება, ვიდრე მყარ სწორ ზედაპირზე ძილი. თუ რბილ საწოლში ძილის მოყვარული მისცემს თავის ნერვებს ამ გზით ატროფირების და პარალიზების საშუალებას, დაავადებები მას დაუპატიჟებლად ეწვევიან"  - წერდა კაცუძო ნიში.

"თერაპია ჰიდროთერაპიის გარეშე - ეს გამომშრალი თერაპიაა, რომელიც მალავს თავის უუნარობას მრავალი შხამიანი და უსარგებლო წამლის ქვეშ" - ეს უკვე ამატებს  ა.ს. ზალმანოვი გამოჩენილი რუსი ექიმი.

სრულფასოვანი სუნთქვის უზრუნველსაყოფად  ჩვენ უნდა ვიზრუნოთ კანის, კაპილარების და დიაფრაგმის მდგომარეობაზე.

აქვე ცოტას ჩავამატებ - საქმე იმაშია, რომ დიაფრაგმის მდგომარეობა - ეს ის საკითხია, რომელიც აბსოლუტურად უყურადღებოდ არის დარჩენილი სამედიცინო საზოგადოების მიერ. არადა ეს საკითხი უმნიშვნელოვანესია.

 დიაფრაგმა არის ჩვენი ორგანიზმის უდიდესი კუნთი, რომელიც ყოფს გულ-მკერდს და მუცლის ღრუს, მასში გადის უმნიშვნელოვანესი სისხლძარღვები და სტრუქტურები, იგი ახორციელებს წნევის ცვალებადობას გულ-მკერდსა და მუცლის ღრუში, ასევე დიდ ზეგავლენას ახდენს სასუნთქ, გულ-სისხლძარღვთა და ლიმფურ სისტემაზე. განსაკუთრებულია მისი მნიშვნელობა ვენების, ღვიძლის ნორმალური სისხლის მიმოქცევისთვის და ა.შ. 

ცნობისთვის, იშვიათია ვენებში შეგუბებითი პროცესების დროს ვინმემ ყურადღება მიაქციოს დიაფრაგმის მდგომარეობას, სამაგიეროდ ვენების ამოკვეთა - ყველაზე პოპულარული გადაწყვეტილებაა.

     დროთა განმავლობაში ხდება დიაფრაგმის ატროფირება, რაც იწვევს ყველა იმ პროცესის დარღვევას, რაზედაც ზეგავლენას ახდენს: ირღვევა სუნთქვის პროცესი, გულის მუშაობა, ვითარდება შეშუპებები ლიმფურ, ვენურ სისტემებში, დარღვევები კუჭ-ნაწლავში და კიდევ ბევრი სხვა.

     დიაფრაგმის კუნთის განვითარებისთვის და მისი ატროფიისგან დასაცავად აუცილებელია სუნთქვითი ვარჯიშების რეგულარული ჩატარება, ხოლო თუ მისი მოძრაობა შეზღუდულია, ნიშის შემდეგი რჩევები გამოგადგებათ. 

დიაფრაგმის მოძრაობის აღსადგენად:

1.      შეამცირეთ ღვიძლის და ელენთის მოცულობა: ყოველი თვის 3 დღე ჭამამდე 1/2 სთ-ით ადრე მიიღეთ ნატრიუმის სულფატი (გლაუბერის მარილი): 1 დღე - 1 ჩ.კ. 4 გრ, 2-3 დღე - 1/4 ჩ.კ. 200 მლ მინერალურ წყალში ან ანადუღარ წყალში. პროცედურა წმენდს ღვიძლის სისხლძარღვებს, ლიმფურ და სანაღვლე კაპილარებს. ღვიძლის მოცულობის შემცირება ავტომატურად იწვევს ელენთის მოცულობის შემცირებას.

2.      სისტემატურად გამოიყენეთ სათბუნებელი ღვიძლის არეზე (საკმაოდ ცხელი) 40 წუთის განმავლობაში 3 ჯერ დღეში ჭამის შემდეგ (სამჯერადი კვების შემთხვევაში) მძიმე შემთხვევებში, უფრო მსუბუქ შემთხვევაში - 1-2 ჯერ 2-4 კვირა, ჯანმრთელს არ სჭირდება. 

     რაც შეეხება კვების რეჟიმს, როგორც კაცუძო ნიში ამბობს, ჩვენი კუჭ-ნაწლავი მუშაობს შემდეგ რეჟიმში: 

1.      დილის 12 დან - 20 სთ-მდე - მიმდინარეობს საკვების გადამუშავება.

2.      21-დან დილის 4 სთ-მდე - მიმდინარეობს საკვების ათვისება.

3.      დილის 4-დან 12-მდე - მიმდინარეობს კუჭ-ნაწლავის წმენდა.

ამრიგად საკვების მიღების საათები უნდა იქნას შეზღუდული 12-დან 20-მდე (გაითვალისწინეთ, რომ კუჭ-ნაწლავში საკვების მონელებას კიდევ დრო უნდა, ამიტომ საკვების მიღების ბოლო დრო არის 18-19 საათი).

შემდეგ ხდება მხოლოდ გადამუშავებული საკვების ათვისება და წმენდა.

ჭამე ცოტა და დროულად. კარგად დაღეჭე. ორგანიზმი იკვებება არა მიღებული, არამედ გადამუშავებული საკვებით.

      ურთიერთდამოკიდებულების კანონი - რაც მეტი ტოქსემიური ნარჩენი გროვდება ორგანიზმში, მით მეტია სხეულის მასა და მეტია დაავადებათა განვითარების რისკი.

ტოქსინებს აქვთ მჟავე რეაქცია.

     შენარჩუნების  არც ერთი მეთოდი არ შეიძლება იყოს პრაქტიკული და რაციონალური, სანამ არ იქნება დაფუძნებული პრინციპზე - გაიგო მიზეზი! და მხოლოდ ამის შემდეგ - ჩაერიო ბუნების მუშაობაში, უფრო სწორედ არა ჩაერიო, არამედ უბრალოდ არ შეუშალო ხელი და შეძლებისდაგვარად მიეხმარო - ამას ითხოვს ნიშის ჯანმრთელობის სისტემა.

იმედია ეს მასალა საინტერესო იყო თქვენთვის. თუ გაგიჩნდათ კითხვები, მომწერეთ!

იყავი გონიერი პაციენტი! გისურვებთ ჯანმრთელობას!

ასევე ნახეთ:
5 საინტერესო ფაქტი თქვენში მცხოვრებ ბაქტერიებზე
ჰოლისტური მედიცინა

ბედნიერი ქალის 5 ყოველდღიური რჩევა

არტერიული ჰიპერტენზია
ხალხური რეცეპტები
ეშველება რამე ხვრინვას?

ბრონქიალური ასთმა - კომპლექსური მიდგომა
კაცუძო ნიშის ჯანმრთელობის ექვსი ოქროს წესი
წყლის მინერალიზაცია
უშვილობის პრობლემა - მკურნალობის სისწორის ასახვაა
წყლის სიხისტე და ჯანმრთელობა
რომელი მარილი უნდა მივიღოთ?
მე, გარემო და ჯანმრთელობა
ოტიტი ანტიბიოტიკებს არ საჭიროებს!
დააკვირდით სითხეების და პროდუქტების თვისებებს
აუტიზმის აღმოცენების ვერსიები
ვაქცინების სახეობები
ვაქცინების შოკისმომგვრელი შიგთავსი
სითხეების თვისებები ჩვენი ჯანმრთელობისთვის
არ მიიღოთ! 3. პროზაკი
არ მიიღოთ! 2
არ მიიღოთ!
აცრები
როგორი პაციენტი ხართ?
გსურთ დაამარცხოთ ალერგია?
დღევანდელობის პარადოქსი
რა არის ალტერნატივა მკურნალობაში?
რა იცით ნეგლერიაზზე?
გოგრა - ჯანსაღი კვების კარგი მაგალითი
და კიდევ მეტი იხილეთ ბლოგის არქივში

ძველების რჩევები

"დაავადება - ეს არის ორმოქმედებიანი დრამა, რომელთა შორის პირველი ვითარდება ჩვენი ქსოვილების მოღუშულ სიჩუმეში ჩამქრალი სანთლებით, -  წერდა ფრანგი მეცნიერი ლერიში. ხოლო როდესაც გამოვლინდება ტკივილი ან სხვა უსიამოვნო მოვლენა - ეს თითქმის ყოველთვის დრამის მეორე აქტია".

 რენე ლერიში მხატვარ მატისის ექიმი გახლდათ.

"არ არსებობს ლოკალური დაავადებები, ცალკეული ორგანოების დაავადებები. დაავადებულია ორგანიზმი მთლიანობაში. არ არსებობს ლოკალური მკურნალობა. არ არსებობს არც ერთი თერაპიული ღონისძიება, რომელიც არ იწვევს ორგანიზმში დიდ ან პატარა ჰუმორალურ ცვლილებას. სულ მცირე თერაპიულ აქტს, სულ უმნიშვნელოსაც კი, მოაქვს მნიშვნელოვანი ბიოლოგიური შედეგები, იწვევს რთულ ქიმიურ მოვლენებს, სითხეების მოძრაობას, ლეიკოციტარულ გადანაცვლებებს, ვაზომოტორულ რეაქციებს" - წერდა ა.ს.ზალმანოვი.

 ა.ს. ზალმანოვი ლენინის და მისი მეუღლის ექიმი იყო, რომელიც 1875-1965 წწ. მოღვაწეობდა, გერონტოლოგი და ნატუროპათი.

"დროა ექიმებმა და ბიოქიმიკოსებმა მოიხმონ ნებისყოფა და საკუთარ თავს მაინც გამოუტყდნენ: ჩვენ არაფერი ვიცით! - და მაშინ თვისება მოიგონო უსარგებლო ტერმინები გაქრება. და მხოლოდ მაშინ გახდება შესაძლებელი იფიქრო, იაზროვნო, შეადარო ფაქტები ქიმიური და თერაპიული ცოდნის ნამსხვრევების უგეგმოდ გამოყენების ნაცვლად".

"ბიოქიმიური რეაქციების სისწრაფე (ერთი გლუკოზის მოლეკულის გამოსაყოფად წამის 1/10-ში 12 რეაქცია), უჯრედის და ენზიმების (ფერმენტების) სამყაროზე ზემოქმედების შეუძლებლობა მოითხოვს მედიკოსების სინდისისგან დაფიქრებას წამლების სარგებლიანობის  და უსაფრთხოებას შეფასებისას".  

ანატომია და ჰისტოლოგია ისწავლება საუკუნეების მანძილზე, მაგრამ ცოტამ თუ იცის, რომ ჩვენი ზუსტი ანატომიური ცოდნა წარმოადგენს მხოლოდ უხეშ ციფრებს ნამდვილი ორგანოების სტრუქტურასა და ზომებზე. როდესაც ყოველ სტუდენტს ეცოდინება, რომ ზრდასრული ადამიანის კაპილარების საერთო სიგრძე აღწევს 100 000 კმ-ს, ხოლო თირკმელების კაპილარების სიგრძე - 60 კმ-ს, რომ ყველა კაპილარის ზომა, ღიასი და ზედაპირზე განართხულის შეადგენს 60 კვ.მ-ს, რომ ფილტვების ალვეოლების ზედაპირი შეადგენს თითქმის 8 000 კვ.მ (ა.კროგის მიხედვით), როდესაც დაითვლიან ყველა ორგანოს კაპილარების სიგრძეს და ყველა ორგანოს ზედაპირის ფართობს, როდესაც შექმნიან "გაშლილ ანატომიას" - ნამდვილ ფიზიოლოგიურ ანატომიას, - კლასიკური დოგმატიზმის და მუმიფიცირებული რუთინის ბევრი ამაყი სვეტი დაეცემა შეტევების და ბრძოლის გარეშე" - ა.ს.ზალმანოვი "ორგანიზმის საიდუმლო სიბრძნე".

სიბერის უჯრედოვანი სკლეროზის გასაღები, ისევე როგორც ყველა სხვა უჯრედოვანი გადაგვარებისას ზოგად პათოლოგიაში, არის არასაკმარისი კაპილარული სისხლის ნაკადი ორგანიზმში. კაპილარული სისხლის მიმოქცევის მხოლოდ ნაწილობრივი აღდგენაც კი ავტომატურად აღადგენს სისხლის მიმოქცევას მთელ ორგანიზმში. ნახევრად მკვდარი უჯრედები იწყებენ ნორმალურ ნივთიერებათა ცვლას (მეტაბოლიზმს), თავისუფლდებიან შხამიანი ცვლის ნივთიერებებისგან, მეტაბოლიტებისგან... მეტაბოლიტებისგან თავისუფალ უჯრედებს უბრუნდებათ საკვები ნივთიერებების მიღების თვისებები. აღდგება უჯრედების ფერმენტების მოქმედება, უჯრედების სიცოცხლეც აღდგება".

"თუ თქვენ გაზრდით ჰაერის მოცულობას, ჟანგბადის ნაკადს ტვინისკენ, ჟანგბადის ნაკადს ყველა ორგანოსკენ, თუ თქვენ გახსნით ათეულობით ათასი დახშული კაპილარის სანათურს რეჟიმით (და არა ქიმიით, წამლებით, დასხივებით, ქირურგიით), მაშინ თქვენ არ შეგხვდებათ არც ერთი დაავადება, რომელიც არ იქნება აღმოფხვრილი თქვენი მკურნალობით".

"თერაპია ჰიდროთერაპიის გარეშე - ეს გამომშრალი თერაპიაა, რომელიც მალავს თავის უუნარობას მრავალი შხამიანი და უსარგებლო წამლის ქვეშ".

"ორგანიზმში საინფორმაციო კავშირების დარღვევა ჩვენი დაავადებების ერთ-ერთი ძირითადი მიზეზია", - წერდა კაზიმეჟ პიოტროვიჩი.

კაზიმეჟ პიოტროვიჩი - 1997 წელს გამოცხადდა "წლის ადამიანად" გამოგონებისთვის არატრადიციულ მედიცინაში, 2002 წელს წარდგენილ იქნა ნობელის პრემიაზე, ცერებრალური დამბლით დაავადებულთა შედეგიანი მკურნალობისთვის.

იყავი გონიერო პაციენტი! გისურვებთ ჯანმრთელობას!

ასევე იხილეთ:

მივმართოთ ნიშის

ორი სიტყვა სითხეზე

ბრონქიალური ასთმა - კომპლექსური მიდგომა

მკურნალობა როგორც ხელოვნება

ჯანსაღი კვება - სტერეოტიპების რღვევაა

დაბალანსებული კვების აუცილებლობა

როგორი პაციენტი ხართ?

დღევანდელობის პარადოქსი

განკურნება შედევრია

რა არის ალტერნატივა მკურნალობაში?

გსურთ დაამარცხოთ ალერგია?

რა იცით ნეგლერიაზზე?

რომელი მარილი უნდა მივიღოთ?

მე, გარემო და ჯანმრთელობა

დააკვირდით სითხეების და პროდუქტების თვისებებს!

წყლის სიხისტე და ჯანმრთელობა

წყლის მინერალიზაცია

და კიდევ ბერი რამ ამ ბლოგზე